أحمد موسى يكشف عن طقوسه في شم النسيم: بأكل فسيخ لحد ما يغمى عليا.. فيديو

أكد الإعلامي أحمد موسى، أنه من عشاق الفسيخ، معلقا: «أنا من كتر حبي في الفسيخ بفضل أكل لحد ما يغمى عليا».

وقال أحمد موسى، خلال تقديم برنامج «على مسئوليتي»، عبر قناة «صدى البلد»، إن مائدة الطعام أثناء تناول الفسيخ لا تخلو من الطحينة والليمون والزيت وعلى قدر ما تأكل كل.

وتابع: «في الصعيد الملوحة هي المشهورة عندنا ومحدش يعرف الفسيخ، بلد زي شطورة على النيل، والسكان اللي على النيل بيحبوا تناول الأسماك».

وأكمل: «أسعار كيلو الفسيخ الموسم الحالي تبدأ بـ400 جنيها، وسعر كيلو الفسيخ الحجم المتوسط بـ 350 جنيها، وسعر كيلو رنجة لوكس بـ 300 جنيها، عاوز أقولكم سعر الفسيخ في محلات مشهورة وصل إلى 700 و600 جنيه».

وأردف أحمد موسى: «ليلة عيد القيامة وشم النسيم دي مكناش بنام أنا وصغير، بنفضل سهرانين طول الليل ونسمع عبدالحليم حافظ، ونلعب كرة قدم مع فرق أخرى من القرى المجاورة ونقوم بتلوين البيض».