أحمد موسى لـ طلاب الثانوية العامة: اختاروا الكليات اللي ليها مستقبل.. مبقاش فيه شغل.. فيديو

أعرب الإعلامي أحمد موسى، عن صدمته من نتائج تنسيق الجامعات المرحلة الأولى، قائلا: «كلية الطب بتاخد حاليا 90 و91%.. ده اللي كان بيجيب 97% مكانش بيعرف يدخل طب واللي كان بيجيب 95% مكانش بيعرف يدخل هندسة.. أنهي تعليم ده».

وأضاف خلال برنامج «على مسؤوليتي» المذاع على قناة صدى البلد، اليوم الأربعاء: «إيه نسب الثانوية العامة ديه.. إيه اللي حصل يا جماعة.. الحد الأدنى 58% أدبي مرحلة ثانية، وكلية السياحة والفنادق بقت مرحلة ثانية!!».

ونصح موسى، الطلاب باختيار الكليات التي لها مستقبل للعمل: «أنا بنصح ولادنا أرجوكم اختاروا الكليات التي له شغل.. مبقاش فيه شغل دلوقتي».

وتابع: «ابحثوا عن الكليات التكنولوجية، الزراعة لها مستقبل والذكاء الاصطناعي.. مش هتروح وزارة الخارجية، دول بياخدوا 50 لـ 60 واحد فقط»، مردفا: «القنوات مش هتعين كل الخريجين الصحافة مش هتاخد كل الخريجين، بياخدوا نسبة».

وأكمل: مش بنصحك اقتصاد وعلوم سياسية إيه مستقبلها.. أنا بنصحك عن خبرة.. أنا خريج كلية آداب صحافة سوهاج دفعة 83، ودخلت مؤسسة الأهرام ضمن 5 فقط»، مؤكدا أنه لا يوجد تعيينات حاليا في المؤسسات القومية.

https://www.youtube.com/watch?v=bMrfuBvVuNk

أحمد موسى: فقرة خاصة عن منتجع إزميرالدا بالساحل الشمالي السبت المقبل .. فيديو

أحمد موسى 3 سيناريوهات لاختيار محافظ جديد للمركزي خلفا لـ طارق عامر.. فيديو