أحمد موسى لـ عمار علي حسن: ارجع اتعلم يعني إيه علاقات دول انت مش أستاذ علوم سياسية.. فيديو

وجه الإعلامي أحمد موسى، رسالة قوية لـ عمار علي حسن، أستاذ العلوم السياسية، مؤكدًا أنه لم يسبق له أن التقاه ولا مرة واحدة مسبقًا.

دعم الإعلام للدولة

وتابع موسى، خلال تقديم برنامج «على مسئوليتي» المذاع عبر قناة «صدى البلد»: «إحنا كإعلام خاص (مش تبع الحكومة) في مقدمة الداعمين للدولة ومصالح الدولة ومصالح بلادي؛ ده دورنا وهنفضل عليه؛ علشان فيه واحد اسمه عمار علي حسن وده خريج اقتصاد وعلوم سياسية، لما اتخرج من كليته كنت بشتغل وليّ اسم في الأهرام».

واستطرد موسى: «انت بتقول هتابع أحمد موسى النهاردة أنا مش بشوفه؛ ميشرفنيش انك تشوفني بالمناسبة والبرنامج ده بيتابعه 30 مليون وقد تكون لا ترى، وهذا البرنامج له مصداقية كبيرة سواء حضرتك راضي، وعمري ما قابلت عمار علي حسن وعمري في تاريخي ما قابلته».

رد موسى على عمار علي حسن

وأردف أحمد موسى: «قالك هشوف هيتابع زيارة الرئيس إزاي؟؛ هو أنا قلتلك أنا مش بدعم بلدي!، والدكتوراة بتاعتك دي ارميها في الزبالة وارجع اتعلم يعني إيه علاقات دول؛ لا والله انت مش أستاذ علوم سياسية، وبقولك مرة أخرى يا دكتور عمار؛ وأنت لا تستحق أقول اسمك لا انت ولا غيرك على فكرة».

وتابع موسى موجهًا حديثه لـ عمار علي حسن قائلاً: «مش عاجبه الرئيس لما ساند الثورة، ومش عاجبه لما اتحرك مع أشقائنا العرب، قولي يا عمار يا علي حسن ماذا تريد من مصر؟، هل عاوز مصر دويلات وميليشيات؟، هل عاوزها دولة مقسمة؟».

فوضى 2011

واختتم أحمد موسى حديثه قائلاً: «هل مصالح مصر العليا أهم أم أطماع بعض الأشخاص أهم؟، هل كانت عاجباك مصر في فوضى 2011؟؛ عارف إنها عاجباك 2011 أدت إن جماعة الإخوان الإرهابية حكمت مصر، وتيجي دول يكون ليها أطماع داخل بلدنا، عاوز مصر ضعيفة يا عمار؟؛ أبدًا والله مصر قوية جدًا؛ عاوز ترجع مين لمصر؟؛ قولي».

https://www.youtube.com/watch?v=UaOUF2gVP5s

أحمد موسى: التضامن العربي من ثوابت مصر.. ولازم نقرب منبعدش.. فيديو

أحمد موسى عن ارتفاع أسعار اللاعبين في مصر : ما عندناش ميسي ورونالدو ونيمار .. فيديو