أحمد هارون يتحدث عن أزمة استبداله في فيلم سهر الليالي

تحدث الفنان أحمد هارون عن أزماته مع فيلم سهر الليالي بعد مرور 21 عاما من عرضه، وذلك عقب تغيير صوته واستبداله بصوت عمرو واكد وتغيير اسمه.

أحمد هارون يتحدث عن فيلم سهر الليالي

قال أحمد هارون في تصريحات تلفزيونية: 'في رغي حصل على فيلم سهر الليالي وده موضوع بقاله 21 سنة، واتفتح الكلام قريب، واتقال ليه جابوا عمرو واكد يعمل صوتي'.

وتابع: 'الناس عارفة كويس ومبتسبش حاجة، الفيلم تم تصويره عام 2001، وعُرض 2003، اتربطت كتير على الدور دا، ودا كان أول ظهور لي، وتشرفت بالعمل مع الشركة المنتجة وهاني خليفة وتامر حبيب'.

واستكمل هارون حديثه، وقال: أنا بدأت الفيلم ومكنش في الحسبان حد يعمل صوتي، عملت المشاهد ووقفنا كتير ورجعنا كملنا المشاهد، ولما خلصت كل المشاهد مرحلة الدوبلاج اتعملت امتى مش عارفين، وخدت كورس تمثيل في 9 شهور، وبعدها حسيت اني مستقبلي ضاع، وطلبت من مدربي أن يعرفني على المخرج خالد يوسف، وكان وقتها انتهى من تصوير فيلم العاصفة'.

وأضاف: 'بالفعل اتصل به وأرسل له مشاهدي من التدربيات، وحددنا معاد للقائي بيوسف شاهين، ولفيت نفسي بطل فيلم قصير من إخراج يوسف شاهين، كان من بطولتي أنا ونور الشريف، وكان إنتاج فرنسي وصورناه في لبنان ودبي والقاهرة، كان هذا قبل عرض سهر الليالي، وحضرت عرضه الخاص في مهرجان الاسكندرية للأفلام الصغيرة، وكنت وقتها أعمل في شرم الشيخ، كان عندي مكتب للرحلات السفاري منذ عمر 19 عاما'.

تصريحات أحمد هارون

وأردف أحمد هارون: يوسف شاهين لم يكن معجب باسمي، مكنش عاجبه أحمد هارون، قال لي نخليه أحمد سيف الدين، وحكيت لهاني خليفة، وأنا مكنتش عاجبني، وخالد يوسف قال لي اسكت هنتكلم بعدين، وبعد الانتهاء من فيلمي القصير وتصوير (سهر الليالي) لم يكن أمامي أي فرصة للتمثيل فعدت لعملي في شرم الشيخ، وهاني خليفة يعلم ذلك، وفي الدوبلاج لم يتصل بي، أي ممثل لازم يتم تبليغه بموعد الدوبلاج، ومحصلش معايا كدة، معرفش اللي حصل بس لقيت هاني خليفة بيقول لي أنت فين بكرة؟ قولت له في شرم الشيخ، قالي هتعرف تيجي؟ قولت له آجي الساعة كم، قال لي اقفل وهكلمك، وبعدها قال لي خلاص مش لازم، وسألته عن مشاهد التليفون، قال لي لا مش دلوقتي، واتفاجئت أن الفيلم خلص'.

واختتم حديثه، قائلا: 'وعندما تسلمت الدعوة لحضور عرض فيلم (سهر الليالي) وجدتها مكتوب عليها أحمد سف الدين، فأنا اتشال صوتي، واتقال اسمي غلط في التتر، اتصلت بهاني خليفة، قال لي (أنا مش خلصان من مشاكل الفنانين)، قطعت الدعوة على باب الشركة ومرحتش العرض الخاص'