«أخدكم في نفس واحد».. محمد رمضان يروج لأغنيته الجديدة بفيديو مثير للجدل

روج الفنان محمد رمضان لأغنيته الجديدة، بعد جدل تصريحاته الأخيرة وتزامنًا مع عرض فيلمه الجديد «أسد» بالسينمات الذي يعيده بعد غياب سنوات.

نشر محمد رمضان فيديو وهو يغني مقطع من الأغنية، عبر حسابه الرسمي بموقع فيس بوك.

وعلق قائلًا: «قالولي: الكترة تغلب الشجاعة.. قولتلهم: اخودكوا فنفس واحد زي صعيدي بيشد جوزة».

وعلى الجانب الآخر، أوضحت الناقدة الفنية مها متبولي، أن الجدل الذى دار بخصوص فيلم 'أسد' حاجة صحية ومفيدة'.

وأضافت في مداخلة مع نهال طايل ببرنامج 'تفاصيل' المذاع على قناة صدى البلد 2 'لما يبقى فيه فيلم والناس تتناقش وتدي رأيها ده شيء كويس، وفيه ناس هتتفق وناس هتختلف وكل واحد حر في رأيه.'

وبخصوص واقعة الشباب في الصعيد، أشارت مها إلى: 'بصراحة أنا شايفة إن ده كله شغل سوشيال ميديا، ومحمد رمضان عنده ناس مستشارين وشغل دعاية على السوشيال أنا مش شايفة إن الموقف ده حصل أصلاً، وزميلة صحفية تحرت وعرفت إن الموضوع ده مش حقيقي، وماحدش تم منعه بجلابية ولا حاجة دي كلها حركة سوشيال ميديا ودعاية.'

وعن دعوات الاعتذار من وزيرة الثقافة، أوضحت: 'هو اللي يقول اللي يقوله، وإحنا الوزيرة ترد أو ما تردش ده موضوع تاني'.

كما أشارت إلى أن غياب محمد رمضان عن الدراما لا يؤثر كثيرًا لأنه ليس في مستوى أحمد زكي أو عادل إمام، معتبرة أن الجدل حول الجلباب لم يمنع أحدًا من مشاهدة الفيلم، وأن فيلم 'أسد' إنتاجه ضخم وتمت له دعاية واسعة.