أرملة إبراهيم شيكا تودعه برسالة مؤثرة: قطمت ضهري وحاسة إني بحلم

ودعت هبة أيمن أرملة إبراهيم شيكا لاعب الزمالك السابق، بكلمات مؤثرة بعد وفاته أمس 12 أبريل 2025.

وكتبت أرملة إبراهيم شيكا في منشور عبر حسابها الشخصي بموقع فيس بوك: «وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ.. تعوض شبابك في الجنة يا حبيبي».

رسالة مؤثرة من أرملة إبراهيم شيكا

وتابعت: «تأكل وتشرب وتنام من غير مسكنات ارتحت وتعبت هبة وقهرتها وقطمت ضهري يا إبراهيم.. هو ده كان وعدك ليا يا حبيبي بعد كل اللي وصلناله ده تمشي وتسيبني استغفرالله العظيم يارب أنت اللي عالم بالنار الي جوه قلبي».

واستكملت هبة أيمن أرملة إبراهيم شيكا: «دعواتكم لحبيب عمري وصاحبي وأبو ولادي بالرحمة يا حبيبي بعد ما السرطان سرقك من حضني يا حبيبي أنا حاسة إني بحلم يا نن عيني وهتقوم ترن عليا وتقولي هاتي كوباية لبن وخشي الرعاية وأفضل اتخانق معاهم عشان أدخل وأخدك في حضني زي كل يوم».

تصريحات أرملة إبراهيم شيكا

واختتمت: «يارب الصبر من عندك يارب متنسوش إبراهيم استحلفتكم بالله متنسهوش كان أنضف وأحسن إنسان هتعرفوه في حياتكم.. في الجنة ونعيمها يا نور عيني بجعل تعبك شفيع ليك.. يارب الصبر من عندك يارب مع السلامة يا رفيق العمر عيالك فوق راسي ليوم ما ربنا يجمعني بيك».