أرملة المخرج أحمد البدري بتصريح صادم: اللي كانوا عشرة عمرك مش بيترحموا عليك

أعربت أرملة المخرج الراحل أحمد البدري عن استيائها من اكتشاف حقيقة أشخاص، كانوا مقربين منه لكنهم حاليًا لا يترحمون عليه.

كتبت أرملة المخرج أحمد البدري في منشور عبر الحساب الخاص لزوجها الراحل بموقع فيس بوك: «الله يرحمك يا بدريكا ويسامحك ويغفرلك ارتحت يا حبيبي من الناس اللي كانت عشرة عمرك».

تصريحات أرملة المخرج أحمد البدري

وتابعت: «وكنت قبل ما تدخل أى شغل بترشحهم كمساعدين إخراج ليك أو تصوير أو ديكور كانوا عاملين فيها حبايبك من ساعة ما روحت عند ربنا وأنا كل يوم بكتبلك بوست أدعيلك فيه وأطلب من حبايبك يدعولك.. للأسف ملقتش ولا اسم واحد فيهم بيترحم عليك أو بيعمل لايك أو حزين».

واستكملت أرملة المخرج أحمد البدري قائلة: «كنت فاكرة أن مفيش حد فيهم بيدخل الفيس بوك بس للأسف هما ناس نشيطة جدًا على الفيس بوك وبيدعوا ويباركوا وعاملين الواجب الصراحة مع الناس اللي عايشة ربنا يبارك في عمرهم وأحب أقولكم أنها مش دايمة لحد وأنا مش مصدومة في حد من أول ما البدري سابني وأنا مبقتش اتصدم».

المخرج أحمد البدري

وفاة المخرج أحمد البدري

وأضافت: «وأحب أقولك يا بدريكا متزعلش منهم أنت عندك أصحاب كتير أوى بيحبوك جدًا وكل يوم بيدعولك دعوة صادقة من قلوبهم بيحبوك بجد ربنا يتقبل منهم دعائهم ليك ويكون في ميزان حسناتك يا غالي أنت في مكان أحسن بكتير عند الرحيم الرؤوف بعباده وإن شاء الله نتقابل في الفردوس الأعلى يا حبيبي».

واختتمت أرملة المخرج أحمد البدري قائلة: «اللَّهُمَّ اغْفِرْ له وَارْحَمْهُ واجعل قبره روضه من رياض الجنة ولا تجعله حفرة من حفر النار اللهم اجعل عن يمينه نورًا حتّى تبعثه آمنًا مطمئنًّا في نورٍ من نورك اللهمّ انظر إليه نظرة رضا فإنّ من تنظُر إليه نظرة رضا لا تعذّبه أبدًا اللهمّ أسكنه فسيح الجنان واغفر له يا رحمن وارحمه يا رحيم وتجاوز عمّا تعلم يا عليم».

أرملة المخرج أحمد البدري