أسرار الـ60 مليار دولار.. محمد ثروت يقلب الطاولة بعد مباراة الأرجنتين ويفجر مفاجأة: "الفيفا مليانة نيفة"

أكد الفنان محمد ثروت أنه لا يوجد صاحب كباريه يخسر، لأنه يضع أمواله وهو يعلم أنها ستعود إليه مضاعفة خمس أو ست مرات.

وقال محمد ثروت، خلال تقديمه برنامج "قبل الماتش"، المذاع على قناة صدى البلد: "إحنا كسبنا قدام الأرجنتين، ولكن خسرنا قدام 60 مليار دولار، هو فيه صاحب كباريه بيخسر؟ لا، هو بيحط فلوسه وهو عارف إنها راجعة له خمس أو ست مرات. أهو، وبالمستندات، مصر هتهدد مكسب الفيفا".

وتابع: "مكسب إيه؟ الفيفا! وأنا أول واحد عايز أقول للمشاهدين إن الفيفا مليانة نيفة، رائحة الفساد تزكم الأنوف، أنا على طول وأنا في أمريكا كان معايا كلينكس، كل شوية أنضف مناخيري، ليه؟ لأنها مليانة فساد، والرائحة تزكم الأنوف، البرغوت الأرجنتيني شارك في 22% من حملات الإعلانات للبطولة، ومهمة الحكم إيه بقى؟ اتقال له في التليفون: أنقذ خسائر الفيفا، لما إحنا كنا عاملين عندهم كومبينة، ليه؟ لأن صاحب الكباريه ما بيخسرش أبدًا، مع زرار يدوس يوقف البلاوي، والحكم خد القرار على طول، طلع بطاقة لشوبير، وطلع بطاقة لمروان عطية، وطلع بطاقة لعم سعفان الصغير، راجل كبير يديله بطاقة حمرا على طول".

وأضاف: "طلع بطاقات دقايق، تصدق بالله لو بيطلعها في السجل المدني كان أخد 3 أيام، طلعها في يوم واحد، بطاقات في 3 دقايق، وبعدين إحنا معلّمين، اتحاد الكرة بتاعنا جهز ملف بيشتكي فيه للفيفا ضد التحكيم، إحنا بنشتغل صح، وكسبنا تعاطف العالم كله، الدنيا كلها بتقول إن مصر كانت الأفضل، وإنها كانت تستحق كأس العالم".

واستكمل: "العالم كله بيبوس إيدينا وبيقول: ما تزعلوش، إنتوا كنتوا الأحسن، وإنتوا اللي كان المفروض تاخدوا كأس العالم.