أسماء تروى مأساتها مع زوجها: «بيحكى لوالده كل حاجة حتي اللى بيحصل بينا في أوضة النوم»

روت «أسماء»، مأساتها مع زوجها قائلة: «أنا اتبهدلت واتسحلت واضربت فى الشارع، عندى 22 ومريضة سكر وضغط وأعصابى تعبت من اللى حصلي».

وأضافت أسماء خلال لقاءها مع الإعلامية نهال طايل ببرنامج «تفاصيل» المذاع على قناة صدى البلد2، «اتجوزت سنة 2023، كان فى شغل بينه وبين عمى وشافنى بالصدفة واتقدملى واتخطبت شهر واتجوزنا وقعدت معاه فى عين شمس».

وتابعت: «ماكملتش 3 شهور ولقيت معاملته اتغيرت معايا وبيضربنى، واكتشفت إنى حامل فى الشهر التانى، ولقيت والده بيطلع عندى بيكلمنى بطريقة وحشة، وبيطاول عليا بالكلام، واتفاجئت إن جوزي بيحكى لوالده كله حاجة».

واسطردت حديثها: «بيقول لوالده كل حاجة بينا حتى اللى بيحصل فى أوضيتنا، ووالده يقعد ويتكلم معايا ويقولى كلام ماينفعش يتكلم فيه، حتى قدام سلايفى بيتكلم في حاجات شخصية في أوضة النوم زى ألبس أيه ماألبسش أيه، وأنام بأيه روحت قولتله لو عاوز تقولى حاجة قول لحماتى تقولى».

متابعة: «اتكلمت مع جوزى قولتله ازاى والدك يتكلم معايا ويقولى الكلام ده قالى من حق ولدى يتكلم فى أى حاجة هو أصلا عارف انتى بتلبسى أيه قولتله ده فى شرع مين ده قالى هو كده».