أسما شريف منير: أول مرة لبست الحجاب كان عندي 14 سنة وقابلت ناس قالتلي الشرب مش حرام

كشفت أسما شريف منير في حديث صريح ومؤثر، عن تفاصيل علاقتها بالحجاب ومعاناتها النفسية، مؤكدة إنها ارتدت الحجاب لأول مرة وهي في سن 14 سنة.

وقالت: "وقتها بابا سألني متأكدة؟ قلت له مستحيل أخلعه تاني"، لكنها أوضحت إن ضغوط الحياة وقتها أثرت عليها فاضطرت لخلعه، وأضافت: "من وقتها وأنا نفسي أرجع ألبسه تاني بس بشكل صح".

واستكملت أسما شريف منير كلامها وقالت، إنها بعدما دخلت عالم السوشيال ميديا وبدأت تتعرف أكتر، ثم شاركت في برنامج مع والدها، أصبحت الخطوة أكثر صعوبة وتعقيدًا بالنسبة لها.

وتحدثت عن فترة اكتئاب عاشتها قائلة: "قابلت ناس قالت لي الشرب مش حرام، جربت الحياة دي وسافرت وسهرت وعملت حاجات كتير، بس ما ارتحتش يوم، كنت ببكي كل ليلة قبل ما أنام".

أما عن تصريحاتها المثيرة للجدل بخصوص المرأة المطلقة، فقد أوضحت إن كلامها اتفهم غلط، وقالت: "أنا كنت بتكلم عن الونس والطبطة، إن الست بطبيعتها لما بتكبر بتزهد حاجات كتير، بس في ناس شريرة ممكن تستغل احتياج المطلقة، وده اللي كنت أقصده مش أكتر".