أسما شريف منير بعد ارتداء الحجاب: حاسة بقرب من ربنا

وجهت أسما شريف منير رسالة جديدة، بعد أيام من ارتدائها الحجاب، تتحدث من خلالها عن قربها من الله.

نشرت أسما شريف منير مجموعة صور جديدة لها بالحجاب، وتجمعها بزوجها، عبر حسابها الرسمي بموقع انستجرام.

رسالة أسما شريف منير بعد الحجاب

وعلقت على الصور قائلة: «أنا اكتشفت إن ساعات أكبر مكسب في حياتي بييجي من الحاجات اللي بسيبها وببقى فاكرة إني مش هقدر أعيش من غيرها».

وتابعت أسما شريف منير: «في لحظة صدق مع نفسي، قلت خلاص.. اللي بيبعدني عن ربنا مش ليا أنا هحاول واحدة واحدة. يمكن بقريف كده زي مثلاً ضوافري أنا بقالي 9 سنين بعملهم چل وبجد بحب ضوافري حب مش عادي».

تصريحات أسما شريف منير

واستكملت: «فقصرتهم وشلت كل حاجة، حاسة إني بقرب من ربنا بكل خطوة ببعد عن الغلط أو الشك، مع الوقت فهمت إن ربنا عمره ما بيطلب مني أسيب حاجة إلا وهو محضرلي أجمل منها».

واختتمت أسما شريف منير: «(وَمَن يَتَّقِ اللَّهَ يَجْعَل لَّهُ مَخْرَجًا۝ وَيَرْزُقْهُ مِنْ حَيْثُ لَا يَحْتَسِبُ [الطلاق: 2-3]).. والنبي ﷺ قال: مفيش حد يسيب حاجة لله، إلا وربنا يبدّله بخير منها.. اللي كل شويه بسيبه لله، رجعلي أضعاف في راحة، في بركة، وفي حاجات ما كنتش متخيلة إنها هتكون ليا».

 

عرض هذا المنشور على Instagram

 

‏‎تمت مشاركة منشور بواسطة ‏‎𝘼𝙨𝙢𝙖 c𝙝𝙚𝙧𝙞𝙛 𝙢𝙤𝙣𝙚𝙚𝙧 - اسما شريف منير‎‏ (@‏‎asma.sherif.moneer‎‏)‎‏