أسما شريف منير تنتظم في الصلاة وتستعد للموت بعد شهرين من حلاقة شعرها

مر شهرين على حلاقة شعر أسما شريف منير الذي أصبحت بسببه في مهب رياح الهجوم، حيث وصفها البعض أنها تتشبه بالرجال وأنها تستخدم الحرية بشكل خاطئ.

وتحدثت أسما شريف منير عن التزامها في الصلاة هذه الفترة وذلك عقب الأزمة التي تعرضت لها فلسطين الفترة الماضية من بطش جيش الاحتلال الاسرائيلي.

أسما شريف منير  عبر إنستجرام

وقالت أسما شريف منير عبر في بث مباشر نشرته عبر حسابها الرسمي بموقع انستجرام: «بقالي 15 يوم ملتزمة في الصلاة والموضوع مريحني، خاصة إني مبقتش أخرج كتير وده مخليني متلزمة أكتر وكل مرة ببقى كده وبعدها الدنيا تلهيني لكن أنا بحاول ونفسي أفضل منتظمة لحد ما أموت».

وتابعت أسما حديثها، وقالت: «بعد الصلاة حسيت إني مستعدة أموت عادي أنا كان نقصني حاجات كتير أوي ومكنتش عارفة هقف قدام ربنا ازاي، دلوقتي مش خايفة أنا حاسة اني عادي إن أموت في أي وقت، وبحس اني هادية وربنا حاميني ومحدش يقدر يأذيني ونفسي أفضل مكملة».

 

View this post on Instagram

 

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer)

تصريحات أسما شريف منير

وعلى جانب أخر ردت أسما شريف منير على الانتقادات التي تعرضت لها مؤخرًا، بعد حلاقة شعرها وإطلالتها في مهرجان القاهرة للدراما 2023 في العلمين.

ظهرت أسما شريف منير في أحدث ظهور لها بمهرجان القاهرة للدراما بدورته الثانية، حليقة الرأس، وأوضحت أن فكرة حلاقة شعرها خطرت لها بسبب شاب يعمل في الكوافير الذي تتعامل معه.

وقالت أسما شريف منير في تصريحات تلفزيونية لها: «الموضوع جاء عن طريق الصدفة، أنا كنت رايحة أطول شعري وأركب إكستنشين، لكن وأنا عند الكوافير لقيت شاب طول عمره مطول شعره وبيهتم بيه جدًا حالق».

وتابعت: «قلت له: إيه ده إنت حلقت شعرك! قالي بجد راحة مش طبيعية، بصيت له شوية، وبعدين رحت للكوافير بتاعي قلت له أنا بفكر أحلق شعري».

واستكملت: «قالي بجد؟، قلت له أنا شعري محروق وبايظ، ما تيجي نبتدي الموضوع من الأول، قالي يلا بينا.. وأنا بمشي ورا إحساسي لا رتبت ولا فكرت ولا حسبت، هي حاجة وليدة اللحظة».

وأضافت أسما شريف منير قائلة: «بس حاجة كان نفسي طول عمري أعملها لأني طول الوقت بحاول أوضب شعري، وكمان كان في جزء نفسي جوايا محسسني إني عايزة أفتح صفحة جديدة، عايزة بداية جديدة ده كان كل تفكيري».

وقالت أيضًا: «أنا شخص انفعالي وعلى طبيعتي، وعلى السوشيال ميديا زي طبيعتي، أنا مش بتصنع حاجة وبحاول أبقى نفسي مش بفكر في أي تريند».