أسهل طريقة لعمل الطعمية في المنزل.. المقادير والخطوات

قدمت الشيف هالة فهمي، طريقة مُبسطة لـ عمل الطعمية في المنزل، وذلك ضمن وصفات الطعام التي تحرص الشيف على مشاركتها مع جمهورها.

مقادير عمل الطعمية

وكتبت هالة فهمي المقادير عبر صفحتها الشخصية على موقع التواصل الاجتماعي «فيس بوك» والتي جاءت كالآتي:-

• نصف كيلو فول مدشوش
• بصله
• توم مفروم
• ربطه كزبره خضرا مفرومه
• ربطه كرات مفرومه
• كوب مياه
• «ملح – كمون – كزبره – كربوناتو»
• «سمسم - كزبره ناشفه - كزبره مطحونه»
• «طماطم مفرومه/ بصل مفروم/ فلفل مفروم/ ثوم مفروم/ ملح / كزبره/ كمون/ شطه» وذلك للحشو

طريقة عمل الطعمية

قدمت الشيف هالة فهمي طريقة عمل الطعمية، حيث كتبت على الفيس بوك :' هتضربي كل المكونات في الخلاط ماعدا التوابل والبيكربونات

'هننزل بالخليط في مصفي ونصفيه كويس اوي وناخد العجينه اللي هتطلع نحط عليها التوابل والبيكربونات ونعجن بايدينا ندخل فيها الهوا كويس ونسيبها تريح في التلاجه حوالي ربع ساعه ونطلعها ساعة القلي علي طول نضربها بالمضرب الكهربا لغاية ما لونها يفتح وتبقي كده جاهزه معاكي'.

وتابعت الشيف: 'هتسخني الزيت كويس و تشكليهاوتحطي علي الوشين الكسبرة والسمسم وتنزلي علي زيت سخن جدا تحمر ع الوشين وتطلعيه علي مصفي عشان تفضل مقرمشه وبالهنا والشفا'.