أشرف عبد الباقي يروي ذكرياته مع علاء ولي الدين وما فعله قبل وفاته بساعات

ياسمين حمادة 11 فبراير 2023 | 10:00 مساءً

أحيا أشرف عبد الباقي ذكرى وفاة علاء ولي الدين ، التي تحل اليوم السبت 11 فبراير، وروى ذكريات وأسرار جمعتهما قبل وفاته.

أشرف عبد الباقي و علاء ولي الدين

نشر أشرف عبد الباقي صورة للفنان الراحل علاء ولي الدين عبر حسابه الرسمي بموقع التواصل الاجتماعي فيس بوك، وعلق عليها قائلًا: «ربنا يرحمك يا علاء.. زي النهاردة من عشرين سنة اتوفي علاء ربنا يرحمه ويغفرله يارب».

وتابع الفنان أشرف عبد الباقي في حديثه عن الراحل علاء ولي الدين قائلًا: «وبرغم إن فات عشرين سنة على وفاته لكنه كان ومازال أقرب صديق ليا أول مرة أطلع عمرة كان معاه وإحنا رايحين الكعبة قالي بص في الأرض لغاية ما نوصل».

أشرف عبد الباقي و علاء ولي الدين

علاء ولي الدين وأشرف عبد الباقي في العمرة

واستكمل قائلًا: «والكعبة تبقي باينة وأقولك بص وإدعي ويمكن الحكاية دي بقيت أعملها مع أي حد يعمل عمرة لأول مرة وأدعي لعلاء .. في حياته كنت بشوف الخير اللي بيعمله مع ناس كتير وأتعلم منه بشكل مباشر وغير مباشر».

وعن علاقته بالفنان علاء ولي الدين ، قال: «علاقتنا كانت أكتر من أخوات ومن خلاله كنت بشوف باقي أصحابنا لأنه كان كريم جدًا ومضياف جدًا وفي بيته كنت بحس إني في بيتي وإن والدته الله يرحمها زي والدتي اللي أتوفت وأنا في سن صغير وخالد أخوه الله يرحمه ومعتز ربنا يكرمه ويخليه لأولاده زي أخواتي وقت ما كنت أحس إني متضايق أروحله اتكلم معاه وارتاح».

ذكرى وفاة علاء ولي الدين

وقال أشرف عبد الباقي أيضًا: «مكانش يعدي يوم إلا لما نتقابل أو نتكلم في التليفون نعرف أخبار بعض وصادف إن يوم وفاته كان أول يوم عيد الأضحى وبعد ما وقف علي الأضحية إتوفي وكنا علي ميعاد يومها في المسرح لعرض مسرحية لما بابا ينام اللي انتهت بوفاته.. ربنا يرحمك ياعلاء ويصبر أهلك وأصحابك اللي أكيد مادام عرفوك عمرهم ماهينسوك».

علاء ولي الدين