أشرف عبد الباقي يوجه نصيحة للمقبلين على عمل مشروع جديد.. فيديو

وجه الفنان أشرف عبد الباقي نصيحة للأشخاص الذين تعرضوا للفشل في مشروعهم الخاص، أو تركوا عملهم لأي سبب كان أو المقبلين على المشروعات الجديدة.

وقال عبد الباقي خلال لقائه مع الإعلامية شيرين سليمان، ببرنامج 'سبوت لايت' المذاع على قناة 'صدى البلد': بقول لأي حد عاوز يبدأ مشروعه الخاص خد خطوة ولازم يكون هدفك أنك تفتح بيوت ناس كتير، ربنا بيبعت الرزق لكل حد بيسعى وبيجتهد.

وعلق أشرف عبد الباقي: الندم على الفلوس مش حل؛ لأننا سبب في توصيل رزق ناس من ربنا، الرزق مش محتاج الاستعجال، ومينفعش نقعد ونحط إيدينا على خدنا حتى لو خسرنا المشروع.

وتابع عبد الباقي: بتمنى أشتغل في الديكورات وعامل ورشة في بيتي، لازم كل واحد يجتهد في عمل حتى لو كان بسيط.