أصالة: «زوجي وسيم وهو اللي طلب مني أقص شعري وطلباته أوامر»

تصدرت الفنانة أصالة محركات البحث على «جوجل» بعد حديثها عن زوجها فائق حسن، الذي تزوجته منذ عدة شهور بعد قصة حب .

وقالت أصالة في تصريحات تلفزيونية، «احنا أصدقاء من أكتر من 15 سنة، ولكن كان بحدود الفن، ونتكلم في تفاصيل الشغل بس، ومكناش مقربين حتى، والتحويل اللى حصل ده كان في يوم واحد ومش عارفة مين سبق التانى بالشعور وبفكرة الزواج، ولكن احنا شبه بعض  وهو قمر وأكتر من وسيم».

أصالة عن زوجها فائق حسن

وتابعت أصالة، «مفكرناش بأى حسابات وقلنا احنا الاتنين الدنيا هتتظبط علينا واننا اخدنا القرار بدون أى تفاصيل ولا حتى عارفين هنسكن فين بالسعودية ولا مصر وقلنا بعد كده الدنيا تتظبط، وأول شخص قلتله بالزواج هي ابنتى شام وهى العالم والحياة بالنسبة لى».

انفصال أصالة عن زوجها طارق العريان

وعن فترة انفصالها عن زوجها المخرج طارق العريان قالت، «أنا عيشت فترة في حياتى متعبة ولما بقيت كويسة حسيت انى عاوزة اتزوج هذا البنى ادم، وأنا عاطفية جدا وهو كمان عاطفى أكتر منى ولما صدقت لقيته واتفقنا على الزواج  وتزوجنا تانى يوم، وهو اللى طلب منى أقص شعرى وهو بالنسبة لى طلباته أوامر قصيته بنفس اليوم مش بكرة».

وتحدثت أصالة، «انا بهتم كتير بتفاصيل شغلي اكتر من اهتمامي بشعري حتى ستايل لبسي اللي جابه جوزي».

وتابعت، «أنا بحب أغني وأنا حافية أحلى من الغناء وانا لابسه كعب، لأني بحس أن غنايا كله بيجي من جسمي، أنا لما بغني في البيت بقف زاي راقصة البالية، وكل أعضاء جسمي بتتحرك، ولما بغني بدون حذاء جسمي بيتحرك بحس أني برقص مع صوتي».

أصالة ناعية أحمد الحجار : «رحمه الله وأسكنه فسيح جناته‏»

أصالة تستعد لطرح أغنية جديدة بعنوان غلبان