أغاني عيد الفطر 2026.. كلمات أغنية سحابة صيف من ألبوم مسلم الجديد

يشارك المطرب مسلم ضمن موسم أغاني عيد الفطر 2026، بأغنية سحابة صيف، بطريقة الـ AI Music Visualizer.

أغنية سحابة صيف للمطرب مسلم، هي أولى أغنيات ألبومه الجديد الذى يحمل عنوان "وحشاني"، ويضم 10 أغنيات متنوعة، بها أنماط وأشكال موسيقية مختلفة.

والأغنية كلمات محمود عادل، وألحان كريم نيازي، والتوزيع الموسيقى لـ إسلام الأزرق، ويقدم فيها مسلم الطابع الدرامى، ويتناول من خلالها فكرة صراع الانسان مع اختياراته، الغير موفقه سواء كانت من أصدقاء أو أحباب.

وتقول كلمات أغنية سحابة صيف من ألبوم مسلم الجديد:

"أنا و قلبي اللي مش لايقين

على ناس كلها خاينين

بقينا في حيره و استغراب

و بندور على الاحباب

ف وسط مصالح الدنيا

مانلقاش حد

انا و قلبي حاولنا كتير

نلاقي حد جواه خير

ماشوفناش غير وجع و عذاب

بتظلم فينا ليه يا غياب

و ليه مستكتر ان احنا نحب بجد

انا وقلبي نصيبنا نخاف

همومنا تهد اي كتاف

يادوب الحظ لو يتشاف

بيبقى يادوب سحابه صيف

زعلنا عدا اي حدود

و ضاع الوقت و المجهود

و مالناش ف الفرح دا وجود

انا كنت ف حياتهم ضيف

انا و قلبي اللي شيلنا هموم

محدش خاف علينا ف يوم

بنتقابل ف وقت فراق

محدش فينا قام او فاق

و وقت م نعدل الكفه

لغيرنا تميل

انا و قلبي حاولنا نعيش

نتيجه كل حاجه مفيش

جرينا كتير ف الف سباق

و قضينا الحياه في خناق

و دلوقتي بنتأسف على التأخير".