أهلي قاطعوني بسبب الجواز منه لعدم قدرته على شراء شبكة ذهب لكن مفيش حاجه تهمني أكتر من الثقة والأخلاق وآخر حاجه أفكر فيها الفلوس.. بهذه الكلمات روت بسنت أغرب قصة زواج في مصر الشبكة ذهب صيني والعريس لديه طفلين في حضانته لكن كل الظروف لم تمنع الزوجين من إتمام الزيجة

قالت بسنت خلال لقائها الإعلامية نهال طايل مقدمة برنامج تفاصيل على قناة صدى البلد2: عمرو تقدم لي وأهلي رفضوا وقالوله معندناش بنات للجواز وإنها كانت تعلم جيدا مدى قرار موافقتها من الزواج من عمرو في هذا التوقيت، خاصة وأن ظروفهما متشابهة، لذا قررت الموافقة على كتابة المؤخر جنيه واحد فقط والاكتفاء بالذهب الصيني.

وتابعت بسنت خلال لقائها : أنا كنت متزوجة وطلقت قبل كده وهو كمان متزوج وطلق، وإحنا الاثنين شغالين في مجال الصحافة مع بعض وبنساعد بعض في المهنة، وحبينا بعض قبل ما يتم التقديم للزواج بشكل رسمي، قائلة: 'اللي شدني لـ عمرو إنه صعيدي'.

مش معاه فلوس يجيب ذهب.. وأمي قالتله معندناش بنات للجواز

واستكملت بسنت حديثها: حسيت بظروف عمرو الصعبة، وطلبت منه الزواج دون تردد، وهو قالي إن طليقته الأولى أخذت كل فلوسه ومش معاه أى فلوس يجيب بيها ذهب ولا مهر.

وعن ظروف أسرتها، قالت بسنت: أمي قاسية جدا نظرًا لأصلها التركي، ولما عرفت إن عمرو مش معاه فلوس يجيب ذهب قالتله معندناش بنات للجواز.

وتابعت: أهلي قاطعوني بعد ما قررت أتجوز بالشكل ده، ولكن مفيش حاجه تهمني أكتر من الثقة والأخلاق، وآخر حاجه أفكر بها هي الفلوس.

وأضافت: أنا ممكن أقبل أعيش مع زوجة تانية في شقة واحدة، بشرط أن تكون أم الأولاد فقط .

معجبة بشخصيتي وجبتلها ذهب بعد الجواز

من جانبه، علق عمرو على حديث زوجته بسنت قائلًا: عرضت علي بسنت ظروفي للزواج وهي وافقت عشان حاسه بظروفي، وأعجبت بشخصيتي خاصة أني متمسك بأولادي من الزوجة الأولى.

وتابع: بعد 6 شهور من الزواج وفرت 100 ألف جنيه وقمت بشراء ذهب لـ بسنت وعوضتها عن الشبكة الصيني