أفشة: مفيش حلاوة من غير نار.. وعمري ما استسلمت

أكد محمد مجدي أفشة، نجم النادي الأهلي، أنه مر بموسم صعب للغاية، لكنه لم يستسلم أبدًا، مشيرًا إلى البطولات التي حققها مع المارد الأحمر خلال الفترة الماضية.

قال محمد مجدي أفشة عبر صفحته الشخصية على موقع التواصل الاجتماعي 'فيسبوك':' الحمدلله نهاية الموسم علي خير، واحد من أصعب المواسم وأكثرها ضغط انتهت بأن الاهلي دائما كسبان'.

أضاف:' موسم كان فيه لحظات فيها قلق وتوتر نفسي، تراجع ذهني ووجع قلب، بعيد عنكم الاستسلام كان حل سهل بس للاسف انا معرفوش'.

تابع أفشة:' كل ما ضاقت أكثر كل ما كنت أشتغل أكثر، تمرين فوق التمرين تركيز علي التركيز هدف واحد بس أوعى تسيب لحظه في النادي الأهلي متحطش اسمك فيها كل حاجه بتتعوض إلا الزمن'.

أشار أفشة:' الحمدلله ١٢ بطوله مع الأهلي ١٤ صناعة هدف، ٢٢ فرصه محققة، نسبه مشاركة تخطت ال ٧٠٪ وللسنه الرابعة علي التوالي أكثر لاعب مساهمه في أهداف النادي، فضل ربنا ودعم زمايلي في الفريق'.

أوضح أفشة:' سمعت كلام كثير محبط ومش حقيقي مش هقول ظالم بس أقل حاجه يزعل، عموما ده ضمن الباكيج مفيش حلاوة من غير نار، الكلام ده حرفيا كان هو النار الي بتخليني عندي اصرار اكثر وغيره ورغبه انا اكون اقوي من اي كلمه اتقالت'.

أتم أفشة:' في نهاية الموسم شكرا ل كل الي انتقد سواء سلبي أو إيجابي كلامكم شحن البطارية، ووقت الإجازه وضميري مرتاح علشان فعلا تعبت جدا السنه دي'.