أكرم حسني يحدد موقفه من دراما رمضان 2024

كشف الفنان أكرم حسني، عن مشاركته في موسم دراما رمضان 2024 بعمل درامي جديد رفض الافصاح عن اي تفاصيل تخصه.

وقال أكرم حسني، في تصريحات تليفزيونية: لغاية هذه اللحظة اللي بنتكلم فيها يوجد عمل في رمضان، وبدأت الشغل عليه دلوقتي.

أكرم حسني ومسلسله في رمضان 2024

وعن موقف واجهه بحياته، أوضح أكرم حسني: فيه موقف واجهته وزودني إصرار وتحدي وأمل، أول ما تخرجت من كلية الشرطة قدمت في كلية الإعلام جامعة القاهرة، وعيني على إن الإعلام مدخل لإني أبقى ممثل.

وأضاف أكرم حسني: كنت مقسم شغلي في الشرطة فترات ليلية فقط والصبح أروح الجامعة وأذاكر أثناء الخدمة وبعض الزملاء كانوا يعدوا عليا يلاقوني موصل نور بسلك من مصنع أو شركة وقاعد أذاكر في العربية، ويهزروا على محاولتي إني أبقى مذيع، وبقيت أكثر إصرار وتحدي، وربنا كرمني أول ما خلصت دراسة لقيت إعلان من إذاعة نجوم إف إم طالبين مذيعين.

واستطرد أكرم حسني حديثه قائلا: في فترة منعت فيها إستخدام السكر نهائيا والنشويات، وبدأت أرجعها تدريجيا بحساب، ودلوقتي مليت تاني.