حسن الشافعي غاضبا بسبب الزج باسمه في قضية مخدرات: جريمة إعلامية

أعرب الموزع حسن الشافعي عن استيائه بسبب الزج باسمه في قضية مخدرات الساعات الماضية، ولذلك طالب الدولة بتقنين الإعلام وتوقيع عقاب واضح على المسؤولين عن ربط اسمه بالقضية.

قال حسن الشافعي في فيديو نشره عبر حسابه الرسمي بموقع انستجرام: «بقالي يومين مسافر وفجأة تليفونات ومسدجات مرعبة، أنت كويس؟ طمنا عليك يا رب تكون إشاعات».

وتابع: «فجأة اكتشفت إن أنا بطل قضية مخدرات في مصر.. كنت فاكره شخص عشوائي كتب حاجة على فيس بوك، والمرعب اكتشفنا إنها مؤسسة إعلامية لها صاحب ومدير تحرير بناس بتشتغل، إنهم يكتبوا خبر بالاسم والصورة على شخص ملوش علاقة بحاجة».

واستكمل حسن الشافعي: «عشان معندهمش الوقت والمجهود يتعبوا نفسهم يشوفوا مين صاحب الموضوع، ولا معايير إعلامية، ومعتقدش اللي يعمل كده عنده أصلا مبادئ إنسانية».

واختتم: «حقي الشخصي هتعامل معاه بشكل قانوني تجاه المؤسسة دي، دي جريمة إعلامية وإرهاب إعلامي ودي رسالة لنا كلنا للمجتمع اللي إحنا عايشين فيه، للبلد، للدولة كلها، لازم يبقى في تقنين للإعلام، وعقاب واضح عشان ده ميتكررش تاني».