أميرة أديب ترد على الانتقادات: بقينا خايفين نقول حاجة حلوة ومش خايفين نأذي

عبرت الفنانة الشابة أميرة أديب عن استيائها من موجة الانتقادات التي تلقتها بعد مشاركتها في مسلسل عايشة الدور مع الفنانة دنيا سمير غانم، مؤكدة أن أكثر ما يزعجها ليس النقد نفسه، بل حالة القسوة التي باتت منتشرة في المجتمع.

وكتبت أميرة عبر حساباتها على مواقع التواصل الاجتماعي: 'اللي مضايقني أكثر من أي انتقاد شوفته السنين اللي فاتوا هو عدم الإنسانية والراحة اللي الناس بقت فيها وهي بتكره في العلن، وبقى كل الدعم private'.

وأضافت: 'كمية الرسائل اللي بتجيلي بشكل خاص على أي حاجة بعملها كتيرة وأنا ممتنة لها الحمد لله، بس مش دي الفكرة.. الفكرة إني بقيت أحس إن الناس بقت تخاف تدعم في العلن، لأن اللي بقى cool هو الكره'.

بوست أميرة أديب

وتابعت: 'بقينا خايفين نقول حاجة حلوة ومش خايفين نأذي، عالم حقيقي غريب، وقد إيه أنا اللي مش قادرة أفهمه أو أستوعبه'.

واختتمت حديثها بدعوة صادقة لمجتمع أكثر إنسانية، قائلة: 'من قلبي بدعي وبحلم بعالم مش قاسي على الناس وعلى نفسه بالشكل ده.. خير إن شاء الله'.

يُذكر أن مسلسل 'عايشة الدور' يعرض حاليًا ويشهد تفاعلًا واسعًا من الجمهور، حيث يضم مجموعة من النجوم إلى جانب دنيا سمير غانم وأميرة أديب.