أمير عيد: مكنتش أتصور إن ممكن حد يشكر في تمثيلي

تحدث النجم أمير عيد، عن مشاركته في مسلسل دواعي السفر، الذي انتهى عرضه الأيام الماضية.

أمير عيد يتحدث عن مسلسل دواعي السفر

كتب أمير عيد عبر حسابه الرسمي بموقع اكس X: "عايز أشكركم كمان بقى بما إني برغي النهاردة، على كلامكم الحلو عن مسلسل دواعي السفر".

وتابع: "مكنتش أتصور إن ممكن حد يشكر في تمثيلي سواء نقاد أو جمهور، وعارف إني لسه محتاج أتعلم أكتر لو حبيت أمثل تاني".

وأضاف أمير عيد: "وعارف إنكم كنتوا بتعدوا لي حاجات عشان بتحبوني أو بتحبوا الأغاني بتاعتي وكده، كان نفسي أقولكم والله دي شخصيتي الحقيقية ولا لأ في المسلسل، بس أنا مش عارف شخصيتي الحقيقية أوي، أنا كل يوم بشخصية".