أمير كرارة: مش بتفرج على التلفزيون ولا بروح سينما ولا بسمع موسيقى

تحدث النجم أمير كرارة، أنه رغم نجوميته إلا أنه لا يشاهد التلفزيون ولا يذهب إلى السينما وحتى الموسيقى لا يسمعها.

تصريحات أمير كرارة

قال أمير كرارة في تصريحات تلفزيونية: 'أنا لا بتفرج على تليفزيون ولا بدخل سينمات ولا بسمع مزيكا ولا بشغل كاست العربية، بروح سينما مع أولادي ساعات'.

كما تحدث كرارة عن متابعة زوجته للمسلسلات التركية، وقال: 'مراتي كل يوم بتتفرج على مسلسل تركي، كل الستات يتجمعوا يتفرجوا سوا يا يتكلموا في التليفون، نفس الحوار كل يوم، أنا بقعد جمبها مبصش على التليفزيون وأكل البطيخ، ألاقيها قاعدة بتتفرج على المشهد وتعيط'.

أميرة كرارة وفيلم البعبع

وعن فيلم البعبع، قال أمير كرارة إنه يتمنى أن يكون الجمهور سعيد بكل الأفلام المعروضة ويتمنى أن يدخلوا فيلمه 'البعبع' وكذلك فيلم 'مستر إكس' لفنان أحمد فهمي وفيلم 'تاج' لفنان تامر حسني وأن يحققوا جميعا النجاح.

أمير كرارة وأحمد السقا

تحدث الفنان أمير كرارة، عن الموقف الأصعب في حياته التي تعرض له بعد تعدي وضرب الفنان أحمد السقا له في كواليس تصوير فيلم هروب اضطراري الذي تم طرحه بالسينمات.

وقال أمير كرارة، في تصريحات إذاعية: «أحمد السقا جميل وأخويا وراجل محترف في الأكشن ولعبته قبلنا بكتير وهو نجم الأكشن، ربنا يديله الصحة وعملنا مع بعض هروب اضطراري ونسل الأغراب».

وعن المشهد الصعب في فيلم هروب اضطراري، أوضح كرارة: «في هروب اضطراري كنا عاملينه في أوضة زجاج وكنا بنضرب بعض في الأوضة، ولقيت تليفون قديم موجود فمسكته وقولت أضربه بيه (يعني أعدي التليفون من قدام وشه)، وحظي الحلو إن التليفون لما عدى، السلك لف من ورا دماغه وجه في عينه».

وتابع أمير كرارة: « أحمد السقا عنده ضمير أوي في الشغل، قولتله وقف تصوير ونعيده تاني، قالي (لأ عشان منعطلش الدنيا وكمل تصوير المشهد)، وخد السلك وراح ضاربني في فك بوقي، ولقيت بوقي اتعوج ومش عايز يرجع».

وأوضح كرارة: «لقيت أحمد السقا جاي عليا وبيقولي فيه إيه حصل حاجة؟، اتخبطت في إيه في مكتب ولا إيه؟، قولتله في إيدك يا أحمد انت محستش بحاجة، وهو مخدتش باله من الضربة لأنه بيخاف على كل الناس وراجل طيب وجميل وبيحب مصلحة كل الناس».

وأضاف كرارة متحدثا عن هذا الموقف: «فضلت بعدها بكام يوم فك بوقي مكنش متظبط، والحمد لله انه متكسرش، وكل اللي حصله كان خلع، واللي حصل هيفضل ذكرى بينا، والحمد لله ان حاجة خفيفة اللي حصلت، وفيه ناس بيحصلها أكتر من كدة بكتير، والسقا عينه حصل فيها حاجة قبل كدة بسبب مشاهد في فيلم الجزيرة بس الحمد لله ربنا سترها برضو».