أم الشهيد: ابني حي عند ربنا وكلنا فداء لمصر وندافع عن الوطن

شهد الرئيس عبدالفتاح السيسي، فيلما تسجيليا، تحت عنوان مثلث القيادة، وذلك ضمن فعاليات الندوة التثقيفية الـ 37 للقوات المسلحة، وذلك اليوم الخميس.

وكرم الرئيس السيسي، أمهات القادة، قائلا: «أهلا وسهلا شرفتونا.. أهلا وسهلا بكم.. انتو فخر لينا كلنا».

وقالت إحدي الأمهات: «ابني شهيد ياريس، والشهيد حي عند ربنا وكلنا فداء مصر وندافع عن الوطن، علشان إحنا والشعب المصري نعيش في أمان واستقرار وده فضل من ربنا والقوات المسلحة، والقوات المسلحة سند لينا بعد ربنا».

ورد الرئيس السيسي، قائلا: «عاوز أقول إن الأبطال وقت الاستشهاد، الدنيا في مصر لم تكن واضحة ومش باينة، الناس كانت خايفة، كنا بنصحى كل يوم على عمل كبير ودماء من أبناء مصر وأرواح بتروح عند ربنا، الثمن ده أولادكم اللى دفعوه من أجل مصر، وإحنا مش هنقدر نعوضكم عليه ربنا وحده بس اللى قادر يعوضكم والأم بالذات، عاوز أقول حاجة بفضل الله سبحانه وتعالي، والثمن ده، أولادكم اللى دافعوا عن البلد على مدار 9 سنوات وضحوا من أجل مصر».

وقالت أم شهيد أخرى: «بلدنا في أمن وأمان واستقرار ياريس، وكفاية إن إحنا مخرجناش منها، كمان الأكل والشرب موجود، وأهم حاجة الأمن والأمان، مصر بخير ياريس، ربنا يبارك فيكم ويحفظ مصر وجيشها، لكن الفراق صعب، والحمد لله القوات المسلحة مش بتنسى أبنائها».

وتابع الرئيس السيسي: « الجيش مش بس اللى بينسى  أولاده، كل المصريين، اليوم ده عن استشهاد عن الفريق عبدالمنعم اللى استشهد من 50 سنة، ولن ننسى الشهداء وكل مصاب قدم حتة من جسمه من أجل بلده تبقى في أمن وأمان، كانو بيقولوا معقول هنقدر على الإرهاب، بفضل الله وبفضلكم الحمد لله رب العالمين، تحقق الحلم ده بفضل الأرواح ده وبفضل الأسر المصرية طيبة وبسيطة ربت ولادها وقدمتهم، والثمن اللى مش يتنسى، إحنا نخلى بالنا  من بلدنا والكلام والخراب اللى كان ممكن تشوفوا مصر لمدة 10 أو 11 سنة ميتكررش تاني، وده مش هيصحل بجيش وشرطة، لا بكل المصريين»

وأكد الرئيس السيسي: «قريب أووي هنحتفل كلنا في سيناء بالقضاء على الإرهاب،بس هتشوفوا سيناء غير الصورة اللى انتوا شوفتوها دلوقتي، الصورة المؤلمة، هتبقى صورة هتفرحوا بيها بأولادكم والثمن اللي ولادكم قدموه».

وتحتفل القوات المسلحة المصرية يوم 9 مارس من كل عام بيوم الشهيد، وذلك تخليدا لأرواح الشهداء والتذكير بالتضحيات التى قاموا بها فى سبيل الحفاظ على الوطن.

الرئيس السيسي يقف لتحية الشهداء خلال احتفالية يوم الشهيد

الرئيس السيسي يشاهد فيلما تسجيليا بعنوان «رموز خالدة» احتفالا بيوم الشهيد