أم كلثوم: لا أذكر يوم خرجت من بيتي بدون قراءة القرآن.. وتعرضت للنصب من متعهد حفلات

أم كلثوم الصوت الذي رغم مرور 48 عامًا على رحيلها، إلا أن قصصها لا تنتهي، فلا يعلم البعض من جمهورها أن كوكب الشرق أم كلثوم اعتادت على قراءة القرآن بشكل يومي.

أم كلثوم تتحدث عن القرآن

تحدثت أم كلثوم في لقاء نادر لها، مع الإعلامي وجدي الحكيم، عن علاقتها بالقرآن الكريم، وقالت: «حفظ القرآن ضروري للفنان وللممثل وللمحامي ولكل إنسان بيتكلم قدام الناس، لازم نحفظ القرآن وأنا مبنزلش من بيتي إلا لما اقرأ قرآن، ولا أذكر إني في يوم خرجت من بيتي بدون ما اقرأ قرآن».

وتابعت: «في الحفلات لازم اقرأ قرآن قبل فتح الستار على الجمهور، لأن أنا محتاجة للجمهور وبخاف، كما أنني متأثرة جدًا بالشيخ أبو العلا، وكنت بحب أداءه وصوته جدًا، وكل الحاجات اللي بيقولها لأنه مكنش بيقول حاجات فارغة ابدًا».

أم كلثوم تتحدث عن متعهد حفلات كان ينصب عليها

كما تحدثت أم كلثوم عن متعهد حفلات كان ينصب عليها، وقالت: «المعلم صديق كان عجيب، كان يدينا 7 جنيه، ويخلي والدي يجي قبل ما الجمهور يدخل المسرح، ويقوله بص مفيش حد، فوالدي يقوله خلاص اللي تدفعه».

وأضافت: «كان بيستغفلنا على طول، ولما كان والدي يقوله ما في ناس اهو، يقوله ده أنا دخلتهم كده عشان ميصحش المكان يبقى فاضي كده، وبعدين جينا في يوم من الأيام بقى، كتب في الجرايد إنه مبيكسبش».

أم كلثوم قالت: «كلمته وقولتله طالما مبتكسبش أنا ميرضنيش متكسبش فبلاش تاخد حفلات، واصريت إنه مياخدش حفلات لحد ما مات، وكان يتحايل علينا لكني رفضت، وقولتله مش لطيف انك تكتب كده

ذكرى رحيل أم كلثوم

تحل الذكرى الـ 48 على وفاة أم كلثوم اليوم الجمعة 3 فبراير، والتي رحلت بعد 100 يوم من المعاناة مع المرض داخل المستشفى، وشهدت جنازتها ثورة حب من مختلف البلدان ليحضر الجنازة أكثر من مليون شخص.

صلاح عبد الله في ذكرى رحيل أم كلثوم: غناكي هو اللي خلى الطرب غالي

من الذاكرة| أم كلثوم وجنازة مهيبة.. الغسل بماء زمزم بحضور أكثر من مليون شخص

من الذاكرة| هدية غير متوقعة من أحمد شوقي لـ أم كلثوم ولهذا السبب رفضتها

لبلبة تبكي بسبب الشحرورة وتشبه منى زكي بكوكب الشرق أم كلثوم

حكايات يوسف شاهين مع النجوم .. الزعيم رفض العمل معه.. و«شتيمة» سبب صداقته بأم كلثوم