أنا مش شيخة.. حلا شيحا تنفي طلاقها من معز مسعود وتكشف سر الرسالة الغامضة

أنس سمير 24 يوليو 2022 | 10:15 صباحاً

انتشر خلال الأيام الماضية، العديد من الأنباء، حول طلاق الفنانة حلا شيحا، من معز مسعود، بعد نشرها صور برفقة نجلتها عبر صفحتها الشخصية عبر موقع تبادل الصور والفيديوهات 'إنستجرام'، وتعليقها على الصور :'بأن الأولاد لهم حق عليها من الخروج والنزهة'.

وخرجت حلا شيحا، عن صمتها لتنهي الجدل حول تلك التنبؤات لكل متابعيها قائلة:' لكل المتابعين والمحبين على صفحتي وفي الوطن العربي حابة أقولكم مفيش أي خبر أتكتب عن معز و عني يخص الطلاق صحيح و كلامي في البوست اللي فات كان كلام عام و لم أقصد بيه حد معين أبدًا'.

وتابعت حلا شيحة: 'معز بعيد عن الكلام ده تمامًا بالعكس هو سبب كبير، لحاجات جميلة في حياتي و حياة أولادي ومشفتش كتير زي أخلاقه و احترامه و عيب الكلام اللي بيتقال عن صفحات السوشيل ميديا كله مش صح أبدًا، والله في مشاكل أكبر بكتير و حاجات أهم بكتير ممكن نتكلم فيها'.

واستكملت شيحة: ' أنا على صفحتي بحب أشارك جمهوري ساعات بمعاني بحسها و بحسهم زيي و بحب أتواصل معاهم و أبقى موجودة معاهم مش أكتر من كدة، بالنسبة لحجابي أنا قلت بحاول زيي زي بنات كتييير و أكيد مش أحسن حاجة بس أنا كدة دلوقتي و الحمد لله'.

وأنهت حلا شيحة حديثتها للجمهور:' أنا مش شيخة أنا إنسانة عادية جدًا ليا حسناتي و ليا سيئاتي و البشر كلهم كدة فبلاش حد يزايد على حد، و بدل ما نتريق أو نقول كلام مش مهم نكون متصالحين مع نفسنا و نبطل نحكم علي بعض إحنا بشر مش ملايكة.. يلا أنا مسامحة الكل معلش بشر بردو'.