أورتيجا لعمرو مصطفى: عندي جمهور يسفلت.. وكلها بتسرق حتى أنت بتنحت

رد مؤدي المهرجانات «أورتيجا» على اتهام الملحن عمرو مصطفى المطربين بسرقة مطربين المهرجانات الألحان، معلقا: «هو حد سرق منه لحن أو لحنين ميجمعش، إحنا ناس دارسين وصناع مزيكا من لحن وكلمات وأداء».

وتابع مؤدي المهرجانات «أورتيجا» خلال برنامج سبوت لايت تقديم الإعلامية شيرين سليمان، المذاع على قناة صدى البلد: «كلها بتسرق حتى انت كمان بتنحت وإحنا عارفين، في ألحان بيسمعها في منطقة معينة ويكمل هو عليها، وأنا كنت بحبه لكن دلوقتي لأ؛ لأنه قال علينا حرامية، لو عندي مشكلة مع حد أطلع وأقول هو مين مجمعش».

وعلق المطرب أورتيجا: «بقابلوا كل فترة وهو حد محترم لكني زعلان منه ومش عارف أوصل له، وأنا مش بحب الشو الإعلامي وكنت أول واحد رديت على عمرو مصطفى بجملة عندي جمهور يقدر يسفلت الأرض».

ونوه أورتيجا: «أن كل فنان يمثل بلده فكيف يتهم ملحن أبناء بلده بالسرقة»، معلقا: «في مزيكا ممكن استوحى منها؛ لأن كل المجال بـ ينحت والنحت في الأغاني بييجي من الأغاني الأجنبية مش أغاني من جوه».

»