أول تصريح لـ شيرين عبد الوهاب بعد أزمتها الأخيرة: اتعافيت ولسه فيه شوية حاجات نفسية

إسماعيل هاني 25 ابريل 2023 | 10:15 مساءً

تحدثت المطربة شيرين عبدالوهاب،عن تفاصيل عديدة حول حياتها الشخصية والعملية وما حدث لها خلال الأيام الماضية، وذلك على هامش حفلها الغنائي في دبي المقرر له يوم 28 ابريل الجاري .

شيرين عبدالوهاب: مريت بظروف نفسية أكبر مني أوي

وقالت شيرين عبد الوهاب، في تصريحات تليفزيونية: وحشني شغلي ووحشني الجمهور، ومبسوطة اني رجعت لحياتي، والناس وحشني اكتر، لو كنت اتاخرت عليكم فدي ظروف نفسية أكبر مني اوي وفيها جزء نقاهة لاني بشتغل وأنا عندي 13 سنة في الوسط.

شيرين عبدالوهاب: لسه فيه شوية حاجات نفسية تعباني

وتابعت شيرين: أنا دلوقتي اتعافيت بجزء كبير ولسه فيه شوية حاجات نفسية تعباني، وكل اللي في سن بناتي هم بناتي،وشكرا على كل الحب والاهتمام والدعم لي.

شيرين عبدالوهاب: أنا تحت أمر الجمهور

واستكملت شيرين عبدالوهاب: أنا تحت أمر الجمهور اللي شارك في مسيرتي وعمل شيرين عبد الوهاب وأنا ملكهم وأنا بحب الاحساس أوي ومشتقاله.

شيرين عبدالوهاب: السمكة رجعت للبحر

وأوضحت شيرين: سعيدة بالعودة بحفل دبي وبداية من حفل الكويت اللي فات، وفيه مفاجأة خلال أيام بدولة كبيرة وحفل غنائي جديد، ومبسوطة بحياتي والسمكة رجعت للبحر.

وأضافت شيرين عبدالوهاب: دبي وشها حلو عليا، وأنا بحب المسئولية، وفيه غنوتين جداد هقدمهم في حفل دبي، و عندنا شوية مشاكل ادارية مع شركة روتانا، وأزمة حساباتي الشخصية على السوشيال ميديا هتتحل قريب.