أول تعليق من الرئيس السيسي على أزمة الكهرباء: مش بنخبي حاجة

أكد الرئيس عبدالفتاح السيسي أن الدولة المصرية واجهت أزمة كهرباء حقيقية، مما جعل الحكومة تضطر لتخفيف الأحمال بسبب زيادة حجم تكلفة وقود تشغيل المحطات.

وأوضح الرئيس السيسي خلال لقائه أهالي مطروح والسلوم: «كان فيه أزمة كهرباء، ولا أقصد انقطاع الكهرباء الفترة اللي فاتت ولكن كان فيه أزمة كهرباء حقيقية وعديناها بفضل الله ثم جاءت ذروة درجات الحرارة اضطررنا أن نخفف لأن حجم الوقود المطلوب عشان نشغل المحطات بعد التكلفة الزيادة في الوقود أصبحت عبء علينا.. إحنا مش بنخبي عليكم حاجة بكلم المصريين كلهم».

وأضاف: «كل تحدي هنعتبره محتاج صبر وعمل، موضحا: «سنة 1986 كنت في دورية استطلاع في سيوة، ووجدت مشكلة صرف زراعي، ولقيت المشكلة مستنياني زي ما هي».

ولفت الرئيس عبدالفتاح السيسي، إلى أن جهود التنمية شملت جميع مناطق الجمهورية على مدار السنوات الـ 8 الماضية.

وقال الرئيس السيسي خلال لقائه أهالي مطروح والسلوم «إحنا بقالنا 8 سنين بنشتغل على امتداد الدولة المصرية، ومفيش مكان في مصر لم تصل إليه أيادي التطوير والتنمية، من أسوان حتى السلوم، مفيش مكان إلا وفيه شغل بيتعمل لصالح جميع المواطنين»، مردفا «عملنا وفق رؤية وخطة لكن خلي بالكم إحنا اتعرضنا لأزمتين مكناش سبب فيهم.. من ضمنهم أزمة كوورنا والحرب الروسية الأوكرانية».