أول تعليق من المذيعة أميمة البدري التي فقدت صوتها

كشفت المذيعة أميمة البدري عن أول تعليق لها بعد الأزمة الصحية التي تعرضت لها عقب فقد صوتها خلال الساعات الماضية بعد أزمة نفسية أصابتها.

أميمة البدري وأزمة صوتها

ونشرت أميمة البدري، مقطع فيديو عبر حسابها الشخصي على موقع التواصل الاجتماعي فيسبوك، وعلقت قائلة: شكرًا لكل حد بيسأل وبيطمن عليا بس ده حالي وصوتي طلع حبه الصبح مكنش في اي صوت ولا حركة شفايفي ولسه تعبانه فمش عارفه ولا قادرة اتواصل قولت اطمنكم بحالي هنا أسهل.

وأضافت أميمة البدري: دعواتكم والحمد لله علي كل شئ.. بقولكم آسفه لكل حد بيسأل وبيطمن عليا بس مش عارفه أرد ادعولي أكون كويسة.

تطورات أزمة أميمة البدري

وفي منشور آخر كتبت أميمة البدري: الحمد لله رب العالمين على كل حاجة حصلت ليا، أنا بكتب وأنا مش قادرة لاطمنكم أنا روحت المستشفى وعملت الأشعة المقطعية على المخ.

وتابعت أميمة : الحمد لله مفيش جلطة بس للأسف فقدت النطق بسبب إني زعلت جامد أدعولي دعوة صادقة، أنا محتاجة لدعواتكم وشكراً لكل اللي بيكلمني بس حرفياً مش قادرة من الصدمة.

وأضافت أميمة البدري: أنا دكتور كتبلي أدوية وقالي لازم أرتاح تمامًا وخلال ثلاثة أيام لو مش اتحسنت ورجعت أتكلم هتابع مع دكتور أعصاب وأعمل جلسات كهرباء لأعرف أتحسن ادعولي أعرف أنطق تاني وأرجع لحياتي.. أنا نفسيا مش أحسن حاجة دعواتكم وشكراً للتواصل معايا ولكل واحد حاول يكلمني ويساعدني وشكراً للي جالي البيت ووداني المستشفى دعواتكم، واللي يعرف الأدوية دي تمام ولا حد يقولي أعمل إيه لأن أنا قلقانة.

أميمة البدري