أول تعليق من حمادة هلال على جدل «الأعلى مشاهدة» بين نجوم دراما رمضان

علق الفنان حمادة هلال على الجدل، الذي أثير مؤخرًا بين عدد من نجوم الفن، حول المتصدر للمشاهدة والأعلى مشاهدة في رمضان 2026.

قال حمادة هلال عبر تصريحات تلفزيونية: «ممكن ألاقي في نجاح موجود على السوشيال ميديا بس على أرض الواقع مش موجود».

تعليق حمادة هلال على جدل الأعلى مشاهدة

وتابع: «تيجي تسأل الناس في البيوت طالما بيقعد يقولك أنت عملت وخايفين فدا النجاح».

واستكمل حمادة هلال: «بيجيلك لحظة تقول ما تيجي نعمل فيديو تتكلم وعملت فيديوهات وأبص عليها أقول لا مش أنا فامسحها عايز تطلع تتكلم مش تتكلم تقول أنا أحسن واحد لكن قول نصيحة، بعدين قلت أنا مالي أدخل ليه خناقة أنا مليش دعوة بيها».

تصريحات حمادة هلال

وأضاف: «إحنا لو متعلمناش من الناس اللي طلعنا واتربينا على نجوميتهم وشُفنا قد إيه عملوا نجاح كبير مشفتش ولا واحد منهم طلع يقول أنا أفخم مسلسل ولا أفضل واحد ولا باخد كام كانوا بيخافوا يقولوا بياخدوا كام عشان محدش يحسدهم».

وأكد حمادة هلال أنه لا يحب نشر أرقام المشاهدات رغم أنه يمتلك الأرقام الحقيقية، واختتم حديثه: «وأطلع أنشر على السوشيال ميديا ليه أنا مش عايز اتدخل في حاجة لأن اللي عملوا كده أصحابي وحبايبي وإخواتي ومن حق كل واحد يفرح بنجاحه وأنا بفرح لأن كل المشاهدات اللي بينشروها في الصور بلاقي المداح متصدر فأقول ليه، رغم أن أنا عندي المشاهدات الأساسية الموجود في كل القنوات ومش هقدر أقول بس اقسم بالله العظيم موجود إني ناجح».