أول رد من حسن شاكوش على اتهامه بالخيانة: سكوتي مش خوف

رد مطرب المهرجانات حسن شاكوش على تصريحات طليقته ريم طارق، التي اتهمته خلالها بالخيانة في نهار رمضان.

رد حسن شاكوش على زوجته ريم طارق

نشر حسن شاكوش مقطع فيديو له، عبر حسابه الرسمي بموقع فيس بوك، وعلق عليه قائلًا: «مساء الخير يا جماعة.. يمكن من ساعة الحوار ما خلص ومن أخر فترة أنا كتبت فيها وقولت هسكت ومش هحكي أي تفاصيل عن إنسانة كانت في يوم من الايام عايشة معايا ومراتي احترامًا للي كان بينا».

وتابع: «وإن أنا راجل اتربيت في بيتي بس عارفين ببقي بعد كل فترة بيحصل فيها كلام كتير أو ضغط من كل اللي حواليا ببقي عايز أطلع وأحكي تفاصيل كتيره أدافع بيها عن نفسي بس برجع وأقول هرد بكلام والكلام هيجيب كلام ومش هنوصل لحلول بس كل اللي أقدر أقوله إن مفيش عين تصدق غير اللي تشوفة ربنا يهدي الجميع ويعدينا منها على خير وأسف إن طولت عليكم».

حسن شاكوش

تصريحات حسن شاكوش

قال حسن شاكوش في الفيديو ردًا على زوجته ريم طارق: «كلكم عارفين المشكلة اللي بيني وبين الإنسانة اللي كانت مراتي والفترة اللي فاتت كنت ساكت ونزلت بوست وقلت مستحيل أطلع أتكلم على واحدة كانت مراتي أو مش مراتي وعمري في حياتي ما جبت سيرة بنت أو غلطت في حق بنت أنا عارف المرأة المصرية وشرف المرأة المصرية».

وأضاف: «زي ما الست المصرية لها كرامة الرجل المصري له كرامة أيضًا، وشغلي ومجالنا معتمد على السمعة والشرف، وبعمل أغاني لجمهوري والناس المحترمة ومينفعش أجيب سيرة أي واحدة في أي حاجة وحشة ده اللي اتربيت عليه، وأهلي ربوني عليه، أنا من منطقة شعبية وراجل صعيدي، وسكوتي مش خوف وضعف لكنها كانت مراتي».

واستكمل حسن شاكوش قائلًا: «في الآخر لو اتكلمت عنها هتعيب عليا أنا، ومينفعش راجل يجيب سيرة مراته ورغم كل ده وأفظع الألفاظ اللي بتتبعت لي وأهلي اللي اتشتموا على السوشيال ميديا متكلمناش فيها ومنعتهم يتكلموا، وأنا في حالة ضغط عصبي مع الشغل وطلعت أوضح المعلومة لأن لي حق الرد».

وقال مطرب المهرجانات أيضًا: «الراجل عنده شرف وكرامة، والناس لازم تسمع من الطرفين، يستحيل أطلع أتكلم في عرضي ومراتي ورفضت عروض قنوات كتير والكلام اللي اتقال ميرضيش ربنا، حسن شاكوش اتجوز 55 يوم ومطلعتش اتكلم واللي عايز اتكلم فيه طليقها طلع اتكلم فيه.. وشكرًا وياريت محدش يسمع أي حاجة غير من الطرفين».

حسن شاكوش وزوجته ريم طارق

حسن شاكوش وزوجته