أول رد من رامي صبري بعد هجوم ويجز عليه

رد الفنان رامي صبري على هجوم مطرب الراب ويجز عليه، الذي يجدد الخلاف بينهما بعد 3 سنوات.

كتب رامي صبري في منشور عبر حسابه الرسمي بموقع فيس بوك: «رامي صبري رقم 2 في الـ Arabic Artists Top علي أنغامي.. Top Egyptian Pop Artists».

رد رامي صبري على هجوم ويجز

كان قد أعرب مطرب الراب ويجز عن استيائه من تصريحات الفنان رامي صبري، بعد حديثه عن أغاني الراب.

قال ويجز في فيديو عبر خاصية الستوري التابعة لحسابه الرسمي بموقع انستجرام:«هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت».

رامي صبري

ويجز يهاجم رامي صبري

واستكمل: «الفنان دا اسمه رامي والفنان دا كل ما بيقعد من 4 لـ 5 شهور يزهق ويطلع يتكلم على بتوع الراب في التليفزيون، هتتكلم إمتى على بتوع البوب اللي أنت منهم واللي في مجالك».

واختتم ويجز: «أنا شايف مبتفهمش في الراب حاجة زى ما أنت قولت قبل كدة ومش هتعرف تعمله وأنت كدة مبتقدرش الفنانين وفاكر أن هما عايزين يوصلولك وهما أصلا معديينك بكتير أنت رقم 19 يا رامي أنت بعيد أوي».

وكان رامي صبري قال في تصريحات تلفزيونية له، قبل هجوم ويجز عليه: «المهرجان مش بيتغنى.. حلو والناس بتحبه وأنا ساعات بسمعه، لكن مش هو اللون اللي ممكن أغنيه.. وويجز شاطر ومجتهد وفرض نجاحه وأغانيه معروفة».

واختتم: «وأنا لسه عند كلامي أني مبفهمش كلمات أغانيه، في أغاني بتاعته لغاية دلوقتي مبفهمش كلماتها».