أول رد من زوجة حسن شاكوش على جدل سجودها في القاعة

ياسمين حمادة 12 مارس 2023 | 09:02 مساءً

ردت زوجة حسن شاكوش على جدل سجودها في حفل زفافها، بعد تعرضها للعديد من الانتقادات والهجوم من الجمهور وبعض المشاهير.

رد زوجة حسن شاكوش

ردت زوجة حسن شاكوش على جدل سجودها والانتقادات التي تعرضت لها، في تصريحات تلفزيونية قائلة: «مفيش حد هيضحك على ربنا وحسن شاكوش ده عوض ربنا وكنت واخدة عهد على نفسي لازم أسجد وأشكر ربنا أول ما أدخل قاعة الزفاف».

وأضافت زوجة حسن شاكوش قائلة: «حسن أحسن واحد في الدنيا في عيوني، ومش بشغل دماغي بالانتقادات، وإحنا جيران لما كنا أطفال، وهو بالنسبة لي حاجة كبيرة أوي مش مجرد مطرب».

علقت الإعلامية رضوى الشربيني، على تصرف زوجة مغني المهرجانات حسن شاكوش بالسجود في حفل زفافها الذي أقيم بأحد الفنادق الكبرى بالقاهرة.

زوجة حسن شاكوش

رضوى الشربيني سجود زوجة حسن شاكوش

رضوى الشربيني، قالت في تصريحات تليفزيونية: «ضجة كبيرة جدا حصلت على وسائل التواصل الإجتماعي وناس كتير مكنش عاجبها ده، وناس بتقول تريند وناس بتقول إنها بتعبر عن مشاعرها.. هقول إيه ست فرحانة وبتعبر عن فرحتها وعن شعورها ويمكن حسن شاكوش هي شايفة ان هو الراجل اللي بتعمله الحركة دي عشان تقوله الكلمتين دول».

وتابعت رضوى الشربيني: «صحيح هي حركة أوفر جدا واحنا آخر حاجة كنا بنشوفها إن الرجالة هي اللي بتسجد وبتسجد بعد ما يجيبوا جوان في ماتشات الكورة».

رضوى الشربيني أضافت: «احنا آخرنا شوفنا العرايس لما تبقى فرحانة قوي ومبسوطة قوي وسعيدة قوي انها بتبوس ايدين جوزها وكتف جوزها وتحضن جوزها، لكن مشوفناش واحدة ست تسجد في فرح .. وكل واحد من حقه يعبر عن طريقة فرحته بالطريقة اللي تعجبه».

حسن شاكوش بعد الزواج

حسن شاكوش علق على صورته مع زوجته، قائلًا: «الحمدلله وشكرًا لكل نجم وكل شخص جه ونورني.. اليوم كان حلو بيكوا كلكوا والله.. وربنا يرزق الناس جميعًا يارب».

وتمنت ريم طارق زوجة مغني المهرجانات حسن شاكوش أن يرزقهما الله بأولاد، في أول تعليق لها بعد زواجها منه.

ريم طارق زوجة حسن شاكوش، علقت على أول أمنية لها في تصريحات تلفزيونية، وقالت: «عايزة نجيب أولاد بقى يا جماعة خلاص كفاية، نعيش اللي احنا معشنهوش بعيد عن السوشيال ميديا».

أضافت: «حسن أجدع شخص في الدنيا وأنا واثقة فيه ثقة عمياء، وجمهور حسن على راسي ولا يمكن أغير منهم».

حسن شاكوش وزوجته