رضوى الشربيني عن سجود زوجة حسن شاكوش في زفافها: ست فرحانة

علقت الإعلامية رضوى الشربيني، على تصرف زوجة مغني المهرجانات حسن شاكوش بالسجود في حفل زفافها الذي أقيم بأحد الفنادق الكبرى بالقاهرة.

رضوى الشربيني، قالت في تصريحات تليفزيونية: «ضجة كبيرة جدا حصلت على وسائل التواصل الإجتماعي وناس كتير مكنش عاجبها ده، وناس بتقول تريند وناس بتقول إنها بتعبر عن مشاعرها.. هقول إيه ست فرحانة وبتعبر عن فرحتها وعن شعورها ويمكن حسن شاكوش هي شايفة ان هو الراجل اللي بتعمله الحركة دي عشان تقوله الكلمتين دول».

رضوى الشربيني عن سجود زوجة حسن شاكوش: حركة أوفر جدا

وتابعت رضوى الشربيني: «صحيح هي حركة أوفر جدا واحنا آخر حاجة كنا بنشوفها إن الرجالة هي اللي بتسجد وبتسجد بعد ما يجيبوا جوان في ماتشات الكورة».

رضوى الشربيني أضافت: «احنا آخرنا شوفنا العرايس لما تبقى فرحانة قوي ومبسوطة قوي وسعيدة قوي انها بتبوس ايدين جوزها وكتف جوزها وتحضن جوزها، لكن مشوفناش واحدة ست تسجد في فرح .. وكل واحد من حقه يعبر عن طريقة فرحته بالطريقة اللي تعجبه».

 تعليق حسن شاكوش بعد الزواج

حسن شاكوش علق على صورته مع زوجته، قائلًا: «الحمدلله وشكرًا لكل نجم وكل شخص جه ونورني.. اليوم كان حلو بيكوا كلكوا والله.. وربنا يرزق الناس جميعًا يارب».

وتمنت ريم طارق زوجة مغني المهرجانات حسن شاكوش أن يرزقهما الله بأولاد، في أول تعليق لها بعد زواجها منه.

تعليق ريم طارق بعد الزواج

ريم طارق زوجة حسن شاكوش، علقت على أول أمنية لها في تصريحات تلفزيونية، وقالت: «عايزة نجيب أولاد بقى يا جماعة خلاص كفاية، نعيش اللي احنا معشنهوش بعيد عن السوشيال ميديا».

أضافت: «حسن أجدع شخص في الدنيا وأنا واثقة فيه ثقة عمياء، وجمهور حسن على راسي ولا يمكن أغير منهم».

حفل زفاف حسن شاكوش وريم طارق.. سجود العروس وتقبيل قدم والدة العريس

أول تعليق من ريم طارق زوجة حسن شاكوش بعد الزواج: عايزة نجيب أولاد بقى يا جماعة خلاص

أول تعليق من حسن شاكوش بعد الزواج: اليوم كان حلو بيكم