أول رد من مصطفى كامل على تشابه أغنيته مع «هيجيلي موجوع» لتامر عاشور

رد الفنان مصطفى كامل على اتهامات تشابه أغنيته الجديدة «قولولي مبروك»، مع أغنية هيجيلي موجوع للفنان تامر عاشور.

قال مصطفى كامل عبر تصريحات تلفزيونية: «قولولي مبروك ملهاش علاقة خالص بأغنية هيجيلي موجوع لتامر عاشور».

رد مصطفى كامل على تشابه أغنيته مع أغنية تامر عاشور

وتابع: «لما تسمعوها هتلاقوا ملهاش دعوة نهائي، اللحنين مختلفين تمامًا ولا يوجد بينهما أي تقاطع موسيقي».

وأعرب مصطفى كامل عن استيائه من سرعة إطلاق الأحكام في زمن السوشيال ميديا، معلقًا: «كان يوم أسود.. زمان كنا بنعمل الكاسيت والشريط للجمهور واللي بيحبك بيحبك، واللي بيكرهك مبيشتريش، لكن دلوقتي السوشيال ميديا بقت تحكم، تقول برتقال يقولك موز».

تصريحات مصطفى كامل

ودعا مصطفى كامل الجمهور للاستماع إلى الأغنية الجديدة وتكوين رأيهم بأنفسهم دون الانسياق وراء الجدل، مختتمًا: «هتنزل أغنية قولولي مبروك، لو معجبتكش ماتسمعهاش، ولو شايف إنها شبه هيجيلي موجوع اسمعها هي ولو عجبوك الاتنين، بردو اسمع الاتنين».