أيمن بهجت قمر : صعب أكتب لـ حمو بيكا .. وبحب ويجز

تحدث أيمن بهجت قمر الشاعر والسيناريست عن إمكانية تعاونه مع مؤدي المهرجانات حمو بيكا بجانب مطرب الراب ويجز، ورأيه أيضًا في أغاني المهرجانات.

تصريحات أيمن بهجت قمر

قال أيمن بهجت قمر في تصريحات تلفزيونية له: «بحب ويجز لأنه موهوب، وأنا بكتب لأي حد يحترم الكلمة بتاعتي، وأنا بسعى أني أشتغل مع ويجز أما أغاني المهرجانات بتصفي».

وتابع الشاعر أيمن بهجت قمر : «لكن الحلو هيفضل الباقي هيروح، وممكن أستعين بـ حمو بيكا في إفيه بـ مسرحية، أو في عمل درامي، لكن مكتبلوش، وشايف إن صوت عمر كمال أفضل من شاكوش».

أيمن بهجت قمر

أيمن بهجت قمر وحمو بيكا

وفيما يخص لقاء أيمن بهجت قمر وحمو بيكا، قال عنه الكاتب والسيناريست: «قابلت حمو بيكا مرة ومكنش يعرفني، وواحد قاله دا أيمن بهجت قمر، رد قاله يا باشا مش واخد بالي معلش، وواحد معاه قالي أنا عارفك قُلت له ربنا يجبر بخاطرك».

استكمل الشاعر كلامه قائلًا: «مفيش صناعة وناقص يكون في كيانات ترجع تنتج زي الأول وتنافس ومحتاجين دم جديد في صناعة المزيكا، وشيرين عبد الوهاب موهبة نادرة جدًا والتعليق على حياتها الشخصية ليس مكانه التليفزيون».

وأضاف: «وأي شيء شخصي لأي حد، وهي أجمل قلب في الدنيا وأحلى صوت في الدنيا، وعائلتها طيبة مصرية والعفوية اللي عند شيرين محدش هيعرف يغيرها»، لافتًا إلى أن نادر أبو الليف هو من طلب عدم استكمال مشواره الفني معه وخالف شروط التعاقد.

أيمن بهجت قمر

أيمن بهجت قمر ونادر أبو الليف

قال أيمن بهجت قمر عن نادر أبو الليف: «هو اللي طلب ميكملش معانا ساعتها وهو اللي اختار طريقه وهو اللي خلى المشروع اتهز وكنا مؤمنين جدًا به وعارفين أنه صوت قوي ومعنديش مشكلة اتعامل معه في شكل أغاني درامية ومسلسلات».

وأشار إلى أن الفنان الراحل عامر منيب يعد صاحب فضل عليه، معلقًا: «أول حد مشهور غنى لي كان فارس، وبعد فارس تعاونت مع إيهاب توفيق وبعد كده اتعمل لي أول فيديو كليب مع عامر منيب، وهو صاحب فضل عليّ وكانت أول أغنية تتصور لي».

أيمن بهجت قمر يرد على تأجيل أعماله مع شيرين: أخت فاضلة بحترمها

أيمن بهجت قمر يكشف مفاجأة في فيلم ابن القنصل