«إحنا مش بنخترع العجلة».. أحمد موسى: الناس مش عارفة مين نازل انتخابات النواب 2025| فيديو 

أكد الإعلامي أحمد موسى أنه يجب أن يكون هناك شفافية وثقة مطلقة في مؤسسات الدولة خلال انتخابات النواب 2025.

وقال أحمد موسى، خلال تقديم برنامج «على مسئوليتي» عبر قناة «صدى البلد»، إن المواطن يريد نائبًا يعرفه، مردفًا: «يا جماعة أحنا مش بنخترع العجلة ولا هو سر، يا جماعة كلنا عارفين الناس عاوزة مين في الانتخابات، دا في ناس بتسأل بتقول مين اللي في الانتخابات نازل في الدائرة بتاعتي».

وتابع: «علشان اتحرك في أي إجراء لابد أن يتم وضع 120 مليون أمام اعتباري، كما أننا نثق في الرئيس السيسي لاتخاذ أي إجراء للحفاظ على سير العملية الانتخابية، وما فعله الرئيس السيسي كان له دور إيجابي كبير، دول النواب اللي هيشرعوا القوانين».

وأكمل: «في ناس زعلانة ومضايقة من اللي حصل، دا أنا من أول يوم بقول عاوزين معارضة في البرلمان، مفيش حاجة اسمها برلمان من دون معارضة، أنا بقول اللي بيمليه عليه ضميري قدام ربنا».

وأردف أحمد موسى: «لازم نفتح الأبواب والشبابيك، يوم الثلاثاء الماضي "لحظة إعلان نتيجة المرحلة الأولى من انتخابات النواب 2025"، هل في حاجة حصلت لا، هل الدولة وقعت لا، هل في أي مشاكل حصلت لا خالص، طيب والله الدولة حريصة على الاستماع لكل الأصوات المصرية لصالح الوطن، ما عدا جماعة الإخوان الإرهابية».

وأشار أحمد موسى إلى أن مصر دولة كبيرة، كما أننا مسئولون عن الانتخابات، وكل المرشحين مفيش في حد منهم إخواني، لازم يكون في آراء مختلفة في البرلمان، ما يعيني ويعني الرأي العام سلامة الانتخابات البرلمانية، لو صدر أي حكم قضائي بشأن الانتخابات فمن المؤكد تنفيذ الحكم.