إلهام شاهين: بدافع عن الدين الإسلامي الحقيقي بكل جوارحى وضد المتاجرين به

قالت الفنانة إلهام شاهين، إن أرآئها بيختلف معها الكثير من الأشخاص، وده عشان أنا مش منافقة، وبقول الحقيقة عشان كده آرائي مش بتعجب الناس، وفي ناس كتير مابتحبش الحقيقة، عاوزين النفاق.

وأضافت الفنانة إلهام شاهين، خلال مداخلة هاتفية مع الإعلامية نهال طايل، ببرنامج تفاصيل المذاع على شاشة قناة صدى البلد 2، أنا مابقبلش إن فى حد يجى على الفن أبدا بدافع عن الفن بكل جوارحى، وبدافع عن الدين الإسلامي الحقيقي بكل جوارحى.

وتابعت: بيقولوا بتتكلم ضد الدين بالعكس، أنا بتكلم ضد المتاجرين بالدين، واللي بيفسروا الدين غلط، لأن الدين شئ عظيم وفيه سمو وروحانيات، وربنا بيأمرنا بكل حاجة حلوة.