إلهام شاهين عن حادث رفح: طبيعي الحياة تستمر لكن احنا جوانا ألم كبير

حضرت الفنانة إلهام شاهين احتفالات اليوبيل الذهبي لجمعية كتاب ونقاد السينما المصرية وحصلت على تكريمها، كما عبرت في كلمتها عن حزنها العميق لما حدث بعد تفجير رفح.

إلهام شاهين وحادث رفح

نشرت إلهام شاهين عبر حسابها بموقع إنستجرام: 'أنا تقريبًا منمتش يعني فتحت التليفزيون وبدأت أشوف الأخبار مصدقتش اللي بيحصل في فلسطين'.

وتابعت: 'قلبنا موجوع جدا وعايزين نقولهم إن مش معنى إننا بنحضر مناسبات أو مهرجانات طبيعي الحياة لازم تستمر، لكن احنا جوانا ألم كبير جدًا للي بيحصل في فلسطين'.

 

View this post on Instagram

 

A post shared by Elham Shahin إلهام شاهين (@elhamshahin1)

تصريحات إلهام شاهين

واستكملت إلهام شاهين حديثها، وقالت: 'يعني اللي بيحصل امبارح ناس نايمة في خيم على الأرض وبيوتها تهدمت، فتتفجر وتتحرق ونشوف مناظر ونسمع صراخ يعصر القلب عصر'.

وأضافت: 'المجتمع الدولي فين من اللي إسرائيل بتعمله وخرق كل المواثيق الدولية وكل ما يخص حقوق الإنسان شيء زاد عن حده'.

واختتمت إلهام شاهين كلامها: 'بالرغم أن كل المجتمع أو أغلبه دلوقتي مع فلسطين وحق فلسطين في إقامة دولتها ومع حقهم في دفاعهم عن أرضهم، إسرائيل بتقول أنا بحارب الإرهاب أي إرهاب؟ اللي بيدافع عن أرضه يبقى إرهابي، أنا لو حد قرب من مصر أنا أول واحدة هنزل أحارب عن مصر وكلنا هننزل نحارب لو كل واحد بيحارب عن بلده اسمه إرهابي أنا بعلن إني النهاردة هكون إرهابية'.