إلهام شاهين عن مشروع أرشيف تاريخ الفنانين: بنسى عدد أعمالي والجوائز

تحدثت الفنانة إلهام شاهين عن أهمية مشروع أرشيف تاريخ الفنانين، وذلك عبر استخدام الذكاء الاصطناعي.

قالت إلهام شاهين عبر تصريحات تلفزيونية: «في وقت هييجي هنفتكر إيه ولا إيه.. بشتغل بقالي 40 سنة، هفتكر إيه ولا إيه؟.. عديت الـ 100 فيلم وأكتر من 50 مسلسل ومسرحيات كتير حتى لما جيت أتكرم في مهرجان المسرح قلتلهم أنا عاملة 8 مسرحيات مشتغلتش كتير قوي لقيت إن أنا اتعمل عني كتاب وأنا عاملة 25 مسرحية».

أرشيف تاريخ إلهام شاهين

وتابعت: «في مسرحيات معمولة للتلفزيون أنا نسيتها رغم إنها أعمال مهمة جدًا من الأدب العالمي، وبنسى خدت كام جائزة واتكرمت في دول إيه واللي عايز يعمل قصة حياة فنان ممكن يخش على الموقع ده يعرف كل حاجة لحد ما مات لأنه بيحافظ على تراث الفن المصري وكل ما يقدم في الفن المصري موجود عندنا محتفظين به».

واستكملت إلهام شاهين قائلة: «دهبيوضح شخصية الفنان وأراءه اختلفت إزاي على مدار السنين»، مؤكدة على ضرورة التزام الفنان بصدقه في حياته الشخصية لتحقيق الصدق الفني.

إلهام شاهين

تصريحات إلهام شاهين

وقالت أيضا: «الفنان عشان يبقى صادق في فنه لازم إنسانيًا يكون صادق فأنا مبعرفش أكون غير كدة الحقيقة، وعلى فكرة حاولت أغيّر شخصيتي ومعرفتش، واتعودت أدافع عن وجهة نظري طالما أنا مقتنعة بها.. قالولي دايمًا لو مطلعتش فنانة كان لازم أبقى محامي».