إنجي وجدان: ماما قررت تعقدني في حياتي بسبب التخن والستات أكتر ناس بتكسر بعض

كشفت الفنانة إنجي وجدان أسرار ومواقف في حياتها لأول مرة، موضحة أنها لا تشجع الفتيات على زيادة الوزن لكن تريد تشجيعهن على الثقة بالنفس.

تصريحات إنجي وجدان

قالت الفنانة إنجي وجدان في تصريحات تلفزيونية لها: «أنا مش بشجع على التخن، أنا بشجع على الثقة بالنفس، في سوبر مودلز ثقتهم في نفسهم صفر وحياتهم بتتدمر».

وتابعت إنجي وجدان قائلة: «كانت بتصلني رسائل من بنات مش واثقة من نفسها وتفكر في الانتحار، وخايفة من خيانة الزوج، وأنا كنت رياضية في الباليه المائي، والمفروض أدخل المنتخب، لكن توقفت وبدأت أتخن».

والدة إنجي وجدان

وقال إنجي وجدان عن والدتها: «ماما قررت تعقدني في حياتي بسبب التخن وفضلت تضغط عليا، ودخلت في دوامة إن ثقتي في نفسي مهزوزة، ولغاية النهاردة أمي بتسألني إمتى هتخسي وتروحي الجيم».

وأضافت: «وهي متعقدة لإن صاحباتها كانوا أرفع منها، لضغط كتير على أطفالكم يؤثر على نفسياتهم»، لافتة إلى أن علاقتها بزوجها تتميز بوجود ثقة متبادلة، وهي لا تقلق من تعليقات السوشيال ميديا السلبية.

إنجي وجدان وزوجها

بينما قالت عن زوجها: «جوزي بيحبني زي ما أنا، سواء خسيت أو تخنت إحنا متجوزين من 10 سنين، ونعرف بعض من أيام الجامعة، وبيننا أشياء أكبر من إنه يسألني إنت تخنتي».

واستكملت كلامها: «الستات أكتر ناس بتكسر بعض، وبتحب الأذى لبعض، معظم اللي بيشتموني ستات، ومفيش خلاف مع ريهام سعيد أنا معرفهاش أصلاً».

واختتمت إنجي وجدان عن ريهام سعيد قائلة: «ولا عمري قابلتها، يمكن شفتها مرتين في حتة بس، بالنسبة لي حد طلع غلط في حد رديت، لكن مفيش خلاف أصلا».

إنجي وجدان

إنجي وجدان تفقد الكثير من الوزن في أحدث جلسة تصوير

إنجي وجدان عن مسرحية «كوكو شانيل»: «فخورة أني كنت جزء من رجوع الأسطورة النجمة شريهان»