إياد نصار يعلق على أزمة فيلم أصحاب ولا أعز: اتهزيت ومكنتش

تحدث النجم إياد نصار عن أزمة فيلم أصحاب ولا أعز بعد أن تعرض لهجوم كبير عقب مشاركته فيه.

إياد نصار يعلق على أزمة أصحاب ولا أعز

قال إياد نصار في تصريحات تلفزيونية: 'كان أول مرة اتعرض لحاجة زي كده ممكن اسمع كلام مش عاجبني حد محبنيش في عمل، مفيش إجماع على ممثل'.

وتابع: 'لكن هجوم كان أول مرة اتعرض له واتهزيت ومكنتش عارف اتعامل مع الموضوع والجهة المنتجة طلبوا مننا محدش يتكلم وأنا كنت عايز أتكلم، ودا كان فخ بصراحة مكنش صح كان لازم نطلع نتلكم'.

تصريحات إياد نصار

واستكمل إياد نصار حديثه، وقال: 'معرفتش اتعامل مع الموضوع ده وبعدين طلعت قلت مش عارف، أنا عضمي مكنش ناشف، كنت فاكر إن عضمي ناشف لكن لأ، منى زكي كان عضمها ناشف أكتر مني واتعرضت لده قبل كده في احكي يا شهرزاد هي عارفة تتعامل في المواقف اللي زي دي لكن أنا اتهزيت'.

وأختتم إياد نصار حديثه، وقال: 'أنا عملت الفيلم مقتنع إني عامل حاجة كويسة هتبسط الناس وهيحبوها فجأة لقيت نفسي أنا الشرير اللي بدمر المجتمع وبخدش حياء المجتمع، وأنا من المجتمع وعندي ولاد ومش هقبل على ولاد الناس اللي مش هقبله على ولادي'.