إيمان السيد تعتذر وترد على انتقادات دورها في مسلسل وتقابل حبيب.. ماذا قالت؟

علقت الفنانة إيمان السيد على انتقادات دورها في مسلسل وتقابل حبيب، الذي عُرض ضمن مسلسلات رمضان 2025.

وكتبت إيمان السيد في منشور عبر حسابها الرسمي بموقع انستجرام: «أنا فاهمة ومدركة جدًا أن دوري في العمل نفسه مش عاجبك كمشاهد وده حقك جدًا وأنا شخصيًا ببقى عارفة ومدركة لما بعمل دور مش حساه وببقى متفهمة طالما إنك تبدي رأيك بموضوعية واحترام'.

وتابعت: 'وعارفة كويس إن ممكن أي حاجة كويسة عملتها قبل كده تتنسي في ثانية في وسط هجوم بسبب دور لم ينل استحسانك ودي حاجة تعلمتها مع الوقت إني أتوقع أي شيء وأنا شخصيًا اتعلمت في حياتي ألا ألقي بأخطائي على شماعة الغير، لأني لو عملت كدا مش هتقدم خطوة في حياتي'.

واستكملت إيمان السيد: 'وأنا كبيرة كفاية إني أتحمل دايمًا نتيجة اختياراتي وأكيد بتضايق شوية لأني طول عمري بحفر في الصخر علشان أتقدم خطوة أو على الأقل أثبت مكاني، ولكن مع الخبرة في الحياة وفي شغلي اتعلمت أتجاوز المواقف وأفكر في اللي جاي ومتفائلة ودايمًا ظني خير في ربنا سبحانه وتعالى».

وقالت أيضًا: «وكنت دايمًا لما حد يعرض عليا دور صغير بقول أنا ممكن أعمل ده مع ياسمين فقط لأن الناس عارفة رصيدنا مع بعض، وعمري ما قرأت قبل كدا تعليق بيقول أن حد بيفرضني على العمل غير المرة دي ولا قرأت كلام مؤذي زي المرة دي لدرجة أن زميلة ليا في العمل كلما أبدت رأيها في شيء على السوشيال ميديا ألاقي نفسي بتهاجم في الكومنتات'.

وأضافت إيمان السيد: 'حتى لو كان البوست بتاعها ليس له علاقة بالعمل نفسه وأنا قبل ما ابتدي تصوير كلمت أستاذ عمرو مؤلف العمل واللي بحترمه جدًا وكنت بعتذر عن الدور وبعترف إني عملت ده في توقيت سيء ومكنش ينفع وهو شخصيًا قالي مش هينفع تعملي كدا مع ياسمين'.

واختتمت: 'وقولت له أنا ممكن أجيلها في مشهد واحد في مسلسل بس أكون حاسة المشهد وفي النهاية اشتغلت لأن توقيتي زي ماقلت كان غلط وأنا سعيدة بنجاح العمل ومبسوطة بياسمين وفرحانة علشانها لأنها تستاهل كل خير وفي النهاية تعلمت».