إيمان العاصي تكشف حقيقة خلافات أبطال مسلسل جعفر العمدة: زينة كانت لوحدها

ياسمين حمادة 20 مايو 2023 | 08:36 مساءً

كشفت الفنانة إيمان العاصي حقيقة وجود أزمة بين أبطال مسلسل جعفر العمدة على تتر العمل، بعد تصريحات منة فضالي وأحمد داش السابقة.

تصريحات إيمان العاصي

قالت إيمان العاصي في تصريحات تلفزيونية لها: «مكنش فيه أي خلافات في كواليس مسلسل جعفر العمدة وأتمنى أشتغل مع زينة تاني لأني مشوفتش منها أي حاجة وحشة».

وتابعت: «وهي كانت لوحدها في اللوكيشن لأنها عاشت شخصية عايدة، وفكرة الأسماء على التتر دي استفدنا منها إيه؟.. التتر هدفه تقدير الناس ورا الكاميرا اللي تعبوا ومحدش شافهم».

إيمان العاصي

إيمان العاصي مسلسل جعفر العمدة

واستكملت إيمان العاصي حديثها عن تتر مسلسل جعفر العمدة قائلة: «إنما هعمل إيه لو اسمي اتكتب أول واحدة ومحققتش حاجة؟، أنا أخدت مساحة تمثيلية كبيرة وفرصة عظيمة احترمتها وأديت لها كل حاجة عندي، والمسلسل في الآخر بتاع محمد رمضان وهو البطل، سواء حد خرج أو كمل».

وعن شخصية دلال التي قدمتها ضمن الأحداث علقت عليها قائلة: «شخصية دلال لبستني ومش عارفة أخرج منها ومش بحب الشر لكن بحب أنها قوية وبفتكر وتخطط وهستخدم المميزات دي في الخير».

واختتمت: «وهي شخصية مش بتشوف حد غير نفسها ومش بتشوف أنها زوجة تانية».

إيمان العاصي