إيمي طلعت زكريا: بابا كان بيبيع جرايد واشتغل مدرس لغة عربية.. فيديو

كشفت الفنانة إيمي طلعت زكريا، تفاصيل عديدة عن والدها ومهن إشتغل بها قبل الشهرة.

وقالت إيمي، ببرنامج «ساعة زمن» مع الاعلامية مايا الشربيني عبر قناة صدى البلد: «بابا كان جان زمان، وبدأ من الصفر فعلا، وكان دلوعة وترتيبه رقم 11 بين إخواته، واللي كان عايزه بيعمله».

مهن طلعت زكريا

وتابعت خلال حوارها على قناة صدى البلد: «بابا اشتغل فترة مدرس لغة عربية، وكان بيدرس في معهد الفنون وفي وقتها كان بيبيع جرايد».

إيمي طلعت زكريا تتحدث عن والدتها

وأضافت: «عملت أغنية لأبويا أعبر فيها عن مشاعري، ووالدتي ست عظيمة ومكنتش بتخرب بيتها، وفضلت موجودة لحد ما اتوفى وكانت داعمة ليه، وكان دايما بتقوله حاضر ونعم وكانت الزوجة الأولى، على الرغم من إنه إتجوز عليها والدة هنا الزاهد».

واستطردت: أنا بعمل دلوقتي مسرحية اسمها (كازينو بديعة) مع المنتج أحمد الإبياري وهو منتج بابا اللي كان دايما بيشتغل معاه طول عمره، فأنا في المسرح بتاعي، وكان نفسي يبقى موجود ويشوف نجاحي، وفي كل وقت بكون محتاجة انه يكون معايا.

وتابعت ايمي طلعت زكريا: احنا ولاد صالحين ودايما فاكرين والدنا أنا وأخويا، ووالدي موجود ما بيفارقنيش، وبابا الحمد لله سايب علامة معانا ومع الناس كلها.

وأنهت إيمي حديثها في هذه الفقرة عبر قناة صدى البلد: مراحل تطور حياتي كلها مع بابا، ولحد اخر وقت كان موجود معايا، وحكالي كل حاجة، وأول مرة حبيت في حياتي قولتله عليها، وكان بينزل هو وعمر أخويا يقابلوا بنات مع بعض.

طلعت زكريا في ذكرى وفاته الثانية.. تعرف على أبرز إفيهات اشتهر بها «حاحا»

حسن يوسف وعفاف شعيب يبدأن تصوير «بيت السيدة» لرمضان 2023

إيمي طلعت زكريا تستعيد ذكريات والدها الراحل .. صورة

ايمي طلعت زكريا تحيي ذكرى والدها بكلمات مؤثرة : «أنا تايهه ومش عارفه اعيش زي زمان»