إيمي طلعت زكريا تفتح النار على صناع فيلم أولاد حريم كريم بعد وفاة والدها: مصممين نقضي عليه

فتحت الفنانة إيمي طلعت زكريا النار على صناع فيلم أولاد حريم كريم، وهو الجزء الثاني للفيلم الشهير حريم كريم الذي شارك في بطولته والدها الراحل الفنان طلعت زكريا.

إيمي طلعت زكريا تهاجم صناع فيلم أولاد حريم كريم

كتبت إيمي طلعت زكريا عبر حسابها بموقع فيسبوك: 'مع احترامي وتقديري لكل صناع العمل ليه لما يكون عندنا عمل ناجح مصممين نقضي عليه بأجزاء تانية بعد سنين طويلة خصوصًا إنه بيكون ناجح بأبطاله الأساسيين اللي معظمهم مش موجودين في الجزء الجديد، ليه مش بنبتكر أفكار جديدة تعمل عمل ناجح وأقوى من ده مفيش حد بديل لحد'.

مهن طلعت زكريا

كشفت الفنانة إيمي طلعت زكريا، تفاصيل عديدة عن والدها ومهن إشتغل بها قبل الشهرة.

وقالت إيمي، ببرنامج «ساعة زمن» مع الإعلامية مايا الشربيني عبر قناة صدى البلد: «بابا كان جان زمان، وبدأ من الصفر فعلا، وكان دلوعة وترتيبه رقم 11 بين إخواته، واللي كان عايزه بيعمله».

وتابعت خلال حوارها على قناة صدى البلد: «بابا اشتغل فترة مدرس لغة عربية، وكان بيدرس في معهد الفنون وفي وقتها كان بيبيع جرايد».

إيمي طلعت زكريا تتحدث عن والدتها

وأضافت: «عملت أغنية لأبويا أعبر فيها عن مشاعري، ووالدتي ست عظيمة ومكنتش بتخرب بيتها، وفضلت موجودة لحد ما اتوفى وكانت داعمة ليه، وكان دايما بتقوله حاضر ونعم وكانت الزوجة الأولى، على الرغم من إنه إتجوز عليها والدة هنا الزاهد».

واستطردت: أنا بعمل دلوقتي مسرحية اسمها (كازينو بديعة) مع المنتج أحمد الإبياري وهو منتج بابا اللي كان دايما بيشتغل معاه طول عمره، فأنا في المسرح بتاعي، وكان نفسي يبقى موجود ويشوف نجاحي، وفي كل وقت بكون محتاجة انه يكون معايا. إيمي طلعت زكريا: سمير غانم كان أبويا التاني واشتغلت ترا لم لم بدل دنيا.. فيديو

إيمي طلعت زكريا: بابا كان بيبيع جرايد واشتغل مدرس لغة عربية.. فيديو

طلعت زكريا.. ابنته تحيي ذكرى ميلاده وابنه: «شوفت رحلة المعاناة اللي عاشها»

إيمي طلعت زكريا تتذكر والدها بنشر ملابسه في أفلام «حاحا وتفاحة وطباخ الريس»