إيمي طلعت زكريا عن مشاركة عمرو عبد الجليل في «حريم كريم 2»: أبويا ملهوش بديل

تصريحات إيمي طلعت زكريا كشفت خلالها سبب هجومها على أحدى صفحات السوشيال ميديا، وتحدثت عن الجزء الثاني من فيلم حريم كريم، وعدد من الأشياء الأخرى.

تصريحات إيمي طلعت زكريا

تحدثت الفنانة ايمي طلعت زكريا عن هجومها لاحدى صفحات السوشيال ميديا بسبب فيديو لوالدها الراحل طلعت زكريا بالذكاء الاصطناعي يكشف عن أسرار جديدة عن وفاته ويزعم بأنه مات مقتولا.

وقالت ايمي طلعت زكريا حقيقة علاقة هذا الفيديو بالفنان عادل إمام: 'لما شوفت الفيديو دا اتضايقت جدا لأنه فيه كلام خطير جدا وبيقولوا في الفيديو انه مات مقتول وبيتهموا حد زميل له وطبعا كان الاسقاط كله على الفنان عادل أمام وطبعا دا مينفعش، لكن اتبسطت من كومنتات الناس بيقولوا انتوا ليه عايزين تطلعوا الفنانين كلهم مقتولة وفلان قتل فلان وانتوا صفحات تقرف'.

إيمي طلعت زكريا

وتابعت: 'توجهت لمباحث الانترنت وقدمت بلاغ باسكرين شوت الصفحات وهما اهتموا جدا بالموضوع وماشية في الإجراءات، لكن للاسف انا مكنتش عايزة اقول لان في صفحات اخدت احتياطاتها ومسحت الفيديو'.

وأضافت: 'ابناء فنانين كتير بردة بياخدوا إجراءات بسبب نفس الموضوع بدون ذكر اسماء عشان هما مش عايزين حد يعرف عشان الفيديوهات متتشالش، لأنهم شافوا فيديوهات بالذكاء الاصطناعي لأهاليهم بيتكلموا عن تفاصيل وحاجات مرعبة جدا، محامين كتير تابعوا الموضوع معايا لأن الموضوع دا بقى مش طبيعي وفي حملة مقصودة لتشويه الفن والفنانين في مصر'.

إيمي طلعت زكريا يتحدث عن فيلم حريم كريم

وكشفت ايمي طلعت زكريا عن رأيها في تحضيرات الجزء الثاني من فيلم حريم كريم حيث كان والدها الفنان طلعت زكريا أحد أهم الأبطال المشاركين فيه موضحة أنه كان يستعد لهذا العمل قبل وفاته قائلة: 'بابا كان داخل يصور حريم كريم الجزء الثاني وقعدوا جلسات عمل مع المخرج علي ادريس ومصطفى قمر وكان بابا مبسوط جدا'.

وأوضحت ايمي تفاصيل خلافها مع الفنان مصطفى قمر بسبب تصريحاتها عن الفيلم، وقالت: 'لما عرفت انهم بدأوا يعملوا حريم كريم اتسألت من أحد الصحفيين ايه رأيك ان عمرو عبد الجليل بديل له انا الكلمة استفزتني بصراحة وبعيدا عنه فنيا انا بتكلم عن ابويا وقولتلهم لا طلعت زكريا ملهوش بديل كل واحد له مدرسته وحتته وعمرو عبد الجليل نجم كبير واشتغلت معاه وهو اللي مربيني'.

وأضافت: 'وبعدها كتبت بوست وقولت ان ليه مش بنبتكر حاجة جديدة طلع الاستاذ مصطفى قمر اللي شاهدتي فيه مجروحة لاني بحبه جدا،  بس هو قال كلام ضايقني جدا قعد يقولي دي مش هتحركنا وانا شايف ان رأيها غلط، رديت وقولت يا استاذ مصطفى متمشيش ورا كلام الصحافة واسمع مني أو كان يبقى فيه بينا تليفون ولكن محصلش اي تواصل منه خالص ولكن اكيد بتمنالهم يعملوا حاجة حلوة'.

خوف طلعت زكريا من الحسد

كما كشفت إيمي طلعت زكريا عن خوف والدها من الحسد وعلاقته بوفاته، وقالت: 'بابا مكنش بيخاف من الحسد بس كان بيبقى عارف يعني أول فيروس جاله بعد ماصور فيلم طباخ الريس وصوره قعد وقال يارب انا حاسس اننا هيجرالي حاجة بعد الفيلم دا فلو هيحصل حاجه متجيش في ولادي بعد ٣ ايام بالظبط كلمت دكتور اشرف ذكي ونقلناه على المستشفى وحصل اللي حصل'.

وأضافت معبرة عن دور فيلم طباخ الريس في نجاحه ومرضه: 'حاحا وتفاحة كان بطولته الأولى وكان أول ابناءه في البطولة وبعدها بسبب طباخ الريس كان هيشتغل بالملايين وشركات الانتاج بتجري وراه بس القدر كان ليه كلام تاني وربنا كان عايز كدة وانا بشوف انه مات محسود'.

إيمي وطلعت زكريا

وتابعت: 'في مرة قبل وفاته بكام يوم كنت منزلة فيديو ليا انا وهو من فرح هنا الزاهد واحنا بنرقص مع بعض وحضناه لقيت واحدة كتبتلي على انستجرام ماتراعي الناس اللي أبوهم ميت فانا اتخضيت وشيلت الفيديو لاني مكنتش عايزة بابا يحصله حاجه، الحسد مذكور في القرآن والحسد بيدخل للرجل القبر وانا مؤمنة بيه وتعددت الأسباب والموت واحد بس انا شايفة ان بابا مات حسد'.

حقيقة خلال طلعت زكريا مع المنتج محمد السبكي

كشفت الفنانة الشابة ايمي طلعت زكريا كواليس خلاف والدها الفنان الراحل طلعت زكريا مع المنتج محمد السبكي بسبب تصريحات والدها أنه لن يعمل مع السبكي مرة ثانية بعد فيلم الفيل في المنديل.

قالت إيمي طلعت زكريا: 'محمد السبكي وأحمد السبكي كان من الناس اللي حطوا طلعت زكريا على اول الطريق بسبب فيلم حاحا وتفاحة'.

وتابعت: 'ولكن في فيلم الفيل في المنديل كان بعد الثورة وبابا كان له تصريحات معجبتش بعض الناس فكان في تهديدات للسينمات وابتدا يبقى في تهديدات للسبكي ان لو الفيلم دا نزل احنا هنولع في السينمات فطبيعي المنتج خاف على نفسه وباعه برا، والسبكي تميمة حظ لأي حد يشتغل معاهم'.

تكريمات طلعت زكريا

قالت ايمي طلعت زكريا: 'للأسف طلعت زكريا اتكرم مرة واحدة بس بعد وفاته وكان في مسقط رأسه في اسكندرية في مهرجان بلا انتاج بحضور أشرف ذكي ومجموعة من الفنانين'.

وأضافت: 'تكريم الفنانين بيحسبوها بحسابات تانية انا معرفهاش بصراحة ومقدرش اتكلم فيها وانا بشوف ان تكريم طلعت زكريا من حب الناس ليه ومن بوست انا بكتبه الناس تكتب الله يرحمه ولما يشوفونا في الشارع انا واخويا يقولولنا كان راجل طيب وهو دا التكريم الحقيقي اللي انا بستناه'.

إيمي وطلعت زكريا

كشفت الفنانة ايمي طلعت زكريا عن علاقتها بوالدها الفنان الراحل طلعت زكريا قائلة: بابا كان راجل شرقي جدا في مواعيد معينة في البيت مفيش بيات برا مفيش اطلع رحلة مع صحابي بس في نفس الوقت صاحبي جدا وكنت بحكيله عن علاقاتي او حد جاي يتقدملي وكان قريب مني جدا انا واخويا.

أسرار عن طلعت زكريا

وروت ايمي طلعت زكريا، خلال استضافتها في برنامج فيس أوف على شاشة قناة هي، عن اعتزاز والدها وتعلقه لشنبه وحقيقة اعتذاره عن أدوار بسببه قائلة: بابا كان بيعتز جدا بشنبه وكان بيعتذر عن الأعمال بسببه، كان جايله دور في مسلسل أم كلثوم واعتذر عنه بسبب ان الشخصية كانت من غير شنب'.

وتابعت: 'ولما راح اتعالج في فرنسا بسبب الفيروس كان في غيبوبة ولما فاق لقاهم حلقوا شنبه نفسيته تعبت أكتر من ما تعب في المرض وقعد فترة متأثر جدا لحد ماشنبه طلع تاني'.