إيناس مكي: أخويا مش مجبر يشغلني وموت أمي كسرني

أعربت الفنانة إيناس مكي عن استيائها من الشائعات التي تطاردها هي وشقيقها الفنان أحمد مكي، بأن هناك خلافات بينهما بسبب عدم مشاركتها معه في أي أعمال.

قالت إيناس مكي عبر تصريحات تلفزيونية: «إشاعة إن فيه خناقة ومشاكل بيني وبين أحمد الكلام ده مش مظبوط، هو ضهري وسندي وأخويا، وأخويا مش مجبر أنه يشغلني».

حقيقة خلاف إيناس مكي وشقيقها أحمد مكي

وتابعت: «الناس بتفكر أن طالما كده يبقى فيه خناقة وإحنا منطق الوساطة ده مش عندنا والله، ومش عارفة إذا كان ده عند كل الناس أو لا، بس إحنا بطبيعتنا أنا مبتعداش حتة في حياته، وهو ميتعداش حتة في حياتي، إحنا الـ 5 إخوات كده مش أنا وهو بس».

واستكملت إيناس مكي: «زمان كان طلع عليا إشاعة أنا ومجموعة من الفنانات، إني مرفوع عليّ قضية وده كلام أنا مقبلتش به لأنه يمس الشرف والسمعة، وفيه شخص بعتلي وقالي أنا متأكد إن إنتي ودي مش إشاعة، ورديت عليه قولتله القضاء بينا ورفعت عليه قضية».

إيناس مكي وأحمد مكي

تصريحات إيناس مكي

وفيما يخص وفاة والدتها، قالت: «أنا مش متزنة نفسيًا بعد موت أمي، جات فترة كنت مبعرفش أنام، وبقوم مفزوعة ومن كتر عياطي عيني تعبت، أنا عيطت الفترة اللي فاتت كتير جدًا، وحزينة جدًا على وفاتها، وفي آخر 9 سنين في حياتها كنت بعتبرها بنتي مش أمي، موتها كسرني ومفيش فترة كنت بعيدة عنها وكنا جنب بعض علطول».

أما عن قلة عملها الفترة الأخيرة، علقت إيناس مكي قائلة: «الوسط الفني بقى كله شللية.. زمان كانت الأدوار بتنادي صاحبها دلوقتي الآية اتقلبت».

إيناس مكي